Teletənqidçi, sənətşünaslıq üzrə fəlsəfə doktoru Elçin Əlibəylinin sayca üçüncü “Televiziya yayımının təhlil metodologiyasının əsas istiqamətləri” adlı kitabı çap olunub.
Kulis.Azın verdiyi xəbərə görə, kitabda müəllif televiziya yayımının vahidlərini müəyyən edərək onun təhlilini, metodoloji bazasını yaratmaqla kontent analizin, həmçinin dövrü tənqidin əsas istiqamətlərinin müəyyən edib. Oxucular bu kitabda televiziya yaradıcılığının təhlil tipi, xüsusiyyətləri, həmçinin, təhlil prosesinin elmi-nəzəri əsasları barədə ətraflı məlumat ala biləcəklər.
Müəllif burada televiziyanın bütünlüklə mahiyyəti, bədii-estetik cəhətləri, sosial-psixoloji tərəfləri, insan şüuruna təsir mexanizmlərini təhlil edib. Həmçinin televiziya yayımı işində başlıca yer tutan jurnalistika, marketinq, həmçinin yaradıcı prosesdə iştirak edən digər fəaliyyət sahələrinin işi analiz edilərək onun təhlildə yeri və metodoloji əsasları təklif edilib. Müəllif kitabda bir neçə elmi və yaradıcı sahənin televiziya yayımında iştirakını nəzəri cəhətdən araşdırılaraq təqdim edib.
“Televiziya yayımının təhlil metodologiyasının əsas istiqamətləri” kitabı televiziya işini araşdıran tədqiqatçılar, gənc alimlər və televiziya sahəsində çalışanlar üçün nəzərdə tutulub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
