writer1

Elçin Hüseynbəyli

Məqalə sayı

65
clock11:53 calendar-gray 22 Sentyabr 2016 view-gray167 dəfə oxunub
view-gray167 dəfə oxunub

Məndən 20 qəpik istəyən qoca

Həddən artıq humanistlik sarsaqlıq əlamətidir...

Bunu məndən qabaq deyiblər, yoxsa özümdən uydurmuşam, yadımda deyil, ancaq yaxşı fikirdir...

Bu yazıya bir girişdi, sonrası sürüşdü...

Deməli, metrodan çıxmışam... Kimsə məni çağırır. Nədənsə mənə elə gəlir ki, kimsə mütləq məni çağırmalıdır...

O tərəf-bu tərəfə baxıram. Qoca bir kişidir. Yəni mənə görə qoca ha!!!

- A bala, gir qoluma, - deyir.

Aha, girdim qoluna. Astaca yeriyir, nəsə deyinir.

- Yaxşı eşitmədim, nəsə dediniz? - deyə nəzakət göstərirəm.

Yenə də nəsə mızıldanır. Ən azı yarım metrlik boy fərqimiz var (yaxşı, olsun iyirmi sm)...

- Qulağın ağır eşidir? – deyə o soruşur.

-Qayğılıyam, - deyirəm.

O isə öz növbəsində:

- Soruşuram ki, keçmişi qaytarmaq olar? – deyə yenidən sual edir.

Elə astadan danışır ki, heç Tanrı da onu eşitməz...

- O mənlik məsələ deyil, onluqdur, - deyə yuxarıya –Tanrı oturan künbəzə işarə edirəm.

Gülür:

- Mən də onu deyirəm də... Qırx il bu ölkəyə işləmişəm e...

- Hmmm...

- Nə xeyri!?

Bir az yürüyürük.

- Asta getsənə! Heç bilmirəm, mən səni aparıram, yoxsa sən məni!? –

Yenə də o deyinir, sanki məni muzdla tutub.

“Nəhlət şeytana” – ürəyimdə deyinirəm, “Sənə lazım idi ki, bu qocanı yedəyinə alasan!?”

- Səndə iyirmi qəpik omaz, avtobusa xırdam yoxdu.

- Tapılar, - deyirəm.

Zorla, addım-addım gedirik, elə bil tıxacdayıq...

Nəhayət çatdıq, canım indicə qurtaracaq.

- Əmoğlu, - deyə səkidə oturmuş avtobus sürücüsünə deyirəm, - onluğa xırda olmaz?

Qoca əlimdəki onluğu görüb:

- Özüm xırdalayaram, - deyir.

“Keçəl suya getməz...” – ürəyimdə fikirləşirəm.

Sürücü üzümə elə baxır ki, sanki ona on beş il iş kəsmişəm.

- O qoca üçün pul vermək istəyirəm, amma xırdam yoxdur, -izah edirəm.

Sürücü başa düşür, kabinəyə qalxıb, pulu xırdalayır və qocaya tərəf baxıb deyinir:

- Bunun da işi-gücü yoxdu e, axşama kimi avara-avara gəzir.

Avtobusdan uzaqlaşıram, amma qocanın sözləri qulağımdan sallanır, dayanacağa çatmaq istəyən sərnişin qapıdan asılan kimi, düşmür ki, düşmür:

- Qırx il bu ölkəyə işləmişəm e!!!

Sentyabrın ortası, 2016

REKLAM

Yazarın digər yazıları

Xəbər lenti

Rasim Qaraca: “Hər ad günümə bir kitab hədiyyə edirəm” - Video-söhbət
21:00 24 Fevral 2020
"Mirzə Cəlilin Azərbaycanı" filminin təqdimatı olacaq
18:53 24 Fevral 2020
Həqiqət niyə kor olsun ki? - Aydın Talıbzadə yazır
18:20 24 Fevral 2020
Səməd Vurğunu intihardan qurtaran Abdulla Şaiq – Maraqlı faktlar
17:45 24 Fevral 2020
Animasiya filmində homoseksual obraz
17:06 24 Fevral 2020
Şuşa Teatrında yeni tamaşa olacaq
16:25 24 Fevral 2020
Elçinin növbəti tamaşasının premyerası olacaq
15:41 24 Fevral 2020
Tarantino 56 yaşında ata oldu
15:04 24 Fevral 2020
Damla: “İndiki ağlım olsa, ailəm dağılmazdı” – Müsahibə
14:25 24 Fevral 2020
“Kaspi nəşrləri”ndən yeni kitab
13:58 24 Fevral 2020
Şah Matda “İstehkam” olacaq
13:20 24 Fevral 2020
Məşhur aktyor evində ölü tapıldı
12:41 24 Fevral 2020
Tövbəçi - Seymur Baycanın yeni hekayəsi
12:03 24 Fevral 2020
Harda ki, mən varam, sən yoxsan - Səhər Əhməddən yeni şeir
11:33 24 Fevral 2020
Gənc şairi ölümlə hədələdilər
10:50 24 Fevral 2020
Erkən nikah problemlərinə həsr olunan sərgi açılacaq
10:30 24 Fevral 2020
Çirkabı üst-başına yaxır – Cəlil Cavanşiri sərt tənqid etdilər
10:01 24 Fevral 2020
100 yaşlı şair: “Xəlil Rza məndən 5 qəpik istədi” – Müsahibə
09:00 24 Fevral 2020
Əməliyyatdan çıxan aktyor danışdı: “Özümü yaxşı hiss edirəm”
12:10 23 Fevral 2020
İvanın uşaqlığı - Yeni hekayə
17:02 22 Fevral 2020