writer1

Samirə Əşrəf

Məqalə sayı

128
clock12:32 calendar-gray 06 Sentyabr 2016 view-gray116 dəfə oxunub
view-gray116 dəfə oxunub

Ədəbiyyata hörmətlə...

Ədəbiyyata dair qarşılaşdığım hər nə varsa, mənim üçün doğma və müqəddəsdir. Kitab, jurnal, qəzet, lap üzərinə xırdaca hərflərlə ədəbiyyat kəlməsi yazılan kağız parçası belə mənə bu doğmalığı, müqəddəsliyi hiss etdirir. Məndən olsa bu adda teatr, kinoteatr, park, kafe yaradardım. Və yaratdığım məkanların içərisinə səhifələrində səmimiyyət, müdriklik, sevgi və digər insani hisslərdən bəhs edən kitablar alıb yığardım. Sadaladıqlarımla yetinməyib bu şərəfli sözü iri hərflərlə plakatlara yazıb yolayrıclarına yapışdırardım. Çünki, insanlığı işığa aparıb çıxaracaq gücün adı ədəbiyyat və yenə də ədəbiyyatdır.

İndi yazacaqlarım bəlkə də yuxarıdakı fikirlərimlə ziddiyyət yaradacaq. Amma bir halda ki, yazırıq həqiqəti söyləməkdən başqa əlimizdən bir iş gəlmir. Beləliklə, ədəbiyyatın adını yolayrıclarına yazıb yapışdırmaq istəyən bəndəniz hələ lap çoxdan bilirdi ki, bu məmləkətdə “Ədəbiyyat qəzeti” nəşr olunur. Amma nə gizlədim, həmin qəzetin səhifələrinə toxunduğum zamanlar çoxdan unudulmuşdu. Son illər mətn adı altında verdikləri yazılarla, bayağı şeirlərlə rastlaşmağım gözümü o qədər qorxutmuşdu ki, ümidim hər yerdən üzülmüşdü. Əlqərəz, məni yenidən qəzetə qaytaracaq hansısa istedadlı möcüzənin baş verməsindən əmin deyildim. Bu səbəbdən də hissə qapılıb özümü aldatmaq ürəyimə toxunurdu.

Bu cür fikirlərlə zaman-zaman qafa yorarkən bir də gördüm ki, qəzet köşkündən “Ədəbiyyat qəzeti”ni alıb yola düzəlmişəm. Şaxtalı fevral ayı idi. Qəzetdə “Mənim üçün qızılgül” adlı hekayəm çap olunmuşdu. Evə çatanacan əlimdə tutmuş olduğum qəzetə bir qədər ürkək nəzərlərlə baxırdım. Vərəqləri çevirdikcə içimdən gələn bir səs yanıldığımı mənə sübut etməyə çalışırdı. Daha sonra bu səsə qəribə bir təəssüf hissi də hay verdi. Həmin qəzeti bir günün içərisində oxuyub bitirdim. Kitab kimi... Daha sonra bilgisayardan pdf variantları tapıb oxumağa başladım.

Kimlər yox idi burada? Xüsusən də gənc imzalardan şəxsən tanıdığım və tanımadığım, amma yazılarını, şeirlərini oxuduğum şairlərin, yazıçıların şeir və hekayələri, tərcümələri, əsərlər haqda resenziyalar, mətnlərin astarını üzünə çevirən yazılar məni qəzet haqda daha nikbin fikirlərə yönəlməyə səsləyirdi.

Mirmehdi Ağaoğlu, Cavid Zeynallı, Fərid Hüseyn, Hədiyyə Şəfaqət, Cavidan, Günel Eyvazlı, Könül Həsənqulu, Xatirə Nurgül kimi maraqlı və perspektivli imzalar ürəyimi açmırdı desəm yalan olardı.

Qəzet bu gün xüsusilə ilə tərcümə sarıdan üzləşdiyimiz boşluğu doldurur, Əyyub Qiyasın, Kənan Hacının tərcümələri ilə bu sahədə olan ciddi qüsurları kənara itələyirdi. Çoxdandı axtardığım lakin, izinə davamlı olaraq düşə bilmədiyim tənqidi yazılar istər çağdaş poeziyamız, istərsə də nəsrimiz haqda aktual olan problemlər tənqidçi İradə Musayevanın, Elnarə Akimovanın və Mətanət Vahidin qələmi ilə üzə çıxırdı.

Tarixi şəxsiyyətlər, yazıçılar, şairlər, rəssamlar haqqında maraqlı məqalələr də vaxtaşırı oxucuların ixtiyarına verilirdi. Bayaqdan sadaladıqlarımın heç biri quruca söz deyil. Fikrimcə, “Ədəbiyyat qəzeti” ədəbi mühitdə gənclər üçün açılan geniş bir pəncərədir. Bu pəncərədən istedadı olan hər kəs, xüsusən də gənclər rahatlıqla boylana bilərlər. Necə ki, boylanırlar. Və bütün bu rahatlığı biz gənclərə bəxş edən artıq iki ilə yaxındır ki, qəzetin inkişafı üçün əlindən gələni əsirgəməyən, ora istedadlı insanların toplaşmasına var gücü ilə qeyrət göstərən qəzetin baş redaktoru Azər Turandır.

Çox istərdim ki, ədəbiyyat adlı işığı sönməyə qoymayan, onun daha da gur, parlaq şəfəq saçması üçün əlindən gələni əsirgəməyən, istedadlı gənclərə cığır açan “Ədəbiyyat qəzeti” çıxdığı bu nəcib yol yolçuluğundan usanmasın.

Çünki indi gerçək ədəbiyyat sevgisinə, zövqünə və sözünə ehtiyacımız böyükdür.

REKLAM

Yazarın digər yazıları

Xəbər lenti

Kuklaçıların çağırışı
18:59 07 Aprel 2020
Evdə qal və muzeylərə səyahət et
18:25 07 Aprel 2020
Dünyamızı dəyişən koronavirus testi – Sərdar Amin yazır...
17:44 07 Aprel 2020
Qodar koronavirusdan danışacaq
17:20 07 Aprel 2020
Mətləb Ağadan karantin şeiri - Mətn
17:01 07 Aprel 2020
Koronavirusla mübarizəyə həsr edilmiş rəsm müsabiqəsi elan olunub
16:20 07 Aprel 2020
Xalq artisti evində onlayn konsert verəcək
15:42 07 Aprel 2020
Qohumu onu öldürmək istədi, güllə ayaqqabısına dəydi, çörək verdiyi küçə uşaqları evini soydu – Xalq artistinin film kimi həyatı
15:18 07 Aprel 2020
Çingiz Abdullayevlə ad günü söhbəti: "İlk təbrik edən həyat yoldaşım oldu" - Müsahibə
14:37 07 Aprel 2020
Məşhur aktyor karantin günlərini seriala çevirdi
14:01 07 Aprel 2020
Bir cümləlik pandemiya hekayəsi – Mətn
13:20 07 Aprel 2020
İlham Namiq Kamal: "Şamaxıda bağ evimdə..."
12:38 07 Aprel 2020
Tanınmış fizik: “Bizi daha böyük pandemiya təhlükəsi də gözləyə bilər” – Müsahibə
12:01 07 Aprel 2020
Xalq artisti: "Bu gün Allaha daha çox yalvarmaq zamanıdır"
11:33 07 Aprel 2020
Aktrisa koronavirusdan öldü
11:06 07 Aprel 2020
Uşaqların sinif yoldaşlarından gizlədiyimiz evimiz - Onlayn dərslər
10:36 07 Aprel 2020
Yazıçı koronavirusa necə qalib gəldi?
10:06 07 Aprel 2020
"Yuğ" Teatrı "Evdə qal" çağırışına qoşuldu
09:37 07 Aprel 2020
Direktorun bacısı qızına vurulan məktəbli - Şahmarın hekayəsi
08:59 07 Aprel 2020
Əlindəki çapıqları göynədir spirt - Sevinc Elsevərin karantin şeirləri
21:00 06 Aprel 2020