writer1

Mirmehdi Ağaoğlu

Məqalə sayı

559
clock12:32 calendar-gray 17 Avqust 2016 view-gray174 dəfə oxunub
view-gray174 dəfə oxunub

Biz kimə uduzuruq?

Mirmehdi Ağaoğlu

Azərbaycan absurdlar ölkəsidir. Burda elə qəribə hadisələr olur ki, necə deyərlər yatsan yuxuna da gəlməz. Burda nə desən ola bilər. Və bu baş verənlər istənilən filmdən, bədii əsərdən qat-qat çox adamı heyrətləndirir.

Bir neçə gün öncə belə bir hadisə olub: Sumqayıtda həkimlər komaya düşən xəstənin qızıl dişlərini oğurlayıb. Artıq belə söhbətlər o qədər adi hal alıb ki, xəbəri eşidəndə dəhşətə gəlmirik, sadəcə gülüb keçirik.

Keçən dəfə də həkim pasientin xəstə ayağını qoyub sağlam ayağını kəsmişdi.

Başqasını da eşitmişəm: Həkim xəstədən pul alıb əməliyyat edib, qadınlığını çıxarıb. Bir neçə ay sonra xəstə müayinə üçün İrana gedib. İranda həkimlər baxıb deyiblər ki, sənin qarnın yarılsa da heç nəyin çıxarılmayıb, hamısı yerindədir.

Bir deyil, iki deyil. Saymaqla qurtarmaz. Belə hadisələr artıq adi hal alıb. Həyat bizi heyrətləndirməkdə davam edir. Yəqin bu cür, absurd, qeyri-adi hadisələri hələ çox görəcəyik, çox eşidəcəyik.

Belə hadisələrin şahidi olandan sonra axı necə Markesi oxumaq olar, Kusturitsanın filmlərinə baxmaq olar! Axı, həyatımız ədəbi əsərlərdən, filmlərdən qat-qat maraqlıdır!

Belə şeyləri yazsan heç inanan olmaz, deyərlər ta bu qədər də uydurma.

Hərdən mənə elə gəlir ki, Azərbaycandakı vəziyyət bu qədər qeyri-adi, maraqlı, absurd, inanılmaz, heyrətedici, nağılvari, maqik realist olduğu üçün ədəbiyyatımız hələ uzun müddət onun kölgəsində qalacaq. Başqa yerlərdə belə şeyləri yazıçılar, rejissorlar uydururlar, bizim ölkəmizdə həyat hamının əvəzinə yaşadır bizə. Beləliklə də yazıçılarımız həyata uduzur. Bundan sonra yazmaq nəyə gərək, oxucu yazdıqlarımızdan daha maraqlısını ətrafında görür. Elə özümüz də.

Buna görə də bizim yazıçıların məğlubiyyəti qaçılmazdır. Sən təxəyyülün Marian çökəkliyində qəvvaslıq etsən belə ən dəyərli mirvarini ordan yenə həyat çıxaracaq.

Sadəcə bircə məsələyə adam yanır. Bu hadisələrin qəhrəmanı olmaq ehtimalı da var. Yoxsa bu absurdlar ölkəsində yaşamağa nə vardı. Necə deyərlər, vətəndaşı olmasan pis ölkə deyil.

REKLAM

Yazarın digər yazıları

Xəbər lenti

Mahatma Qandinin aforizmləri
21:02 03 İyul 2020
Haqverdiyevlə bağlı film hazırlanır
18:30 03 İyul 2020
Ondan qorxurduq – Bacısı qızı Kafkadan yazır...
17:47 03 İyul 2020
Mehriban Vəzirdən yeni kitab
16:58 03 İyul 2020
Koronavirusa həsr olunan film çəkilir
16:13 03 İyul 2020
"Sehrbaz qadın" onlayn nümayiş olunacaq
15:21 03 İyul 2020
Xarici İşlər Nazirliyi nota göndərməlidir - Kino adamları od püskürdü
14:30 03 İyul 2020
Uşaqlar üçün tamaşa
13:57 03 İyul 2020
Anar yeni ssenarisini çəkməyə vəsait tapmır
13:15 03 İyul 2020
Hoşcakal, İrfan bey! – Ayxan Ayvaz yazır...
12:33 03 İyul 2020
Dünya ilə oynayan iki qadın - Mehman Qaraxanoğlu yazır...
12:07 03 İyul 2020
Qəmli-qəmli sevişmək – Oğuz Ayvaz yazır...
11:41 03 İyul 2020
Türkiyənin Azərbaycandakı keçmiş müşaviri vəfat edib
11:16 03 İyul 2020
Günün şeiri Küçük İsgəndərdən - Mətn
10:58 03 İyul 2020
Orxan Pamuk qızına çap qadağası qoydu
10:26 03 İyul 2020
İstəyirdim kimsə məni itələyib küçənin ortasına yıxsın - Bircənin romanı
09:00 03 İyul 2020
Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020