news-inner
clock08:30 calendar-gray 25 May 2016 view-gray242 dəfə oxunub
view-gray242 dəfə oxunub

İsa Hüseynovdan nə qaldı? - SORĞU

Layihə: “Nələr qaldı”

Ədəbi əsərlər Zaman keçdikcə öz həqiqi qiymətini alır. Bu mənada Zaman ən yaxşı meyardır. Bəs Azərbaycan klassik yazıçıları hansı əsərləri ilə yaddaşlarda qalıb?

Kulis.Azın yeni layihəsində klassik Azərbaycan yazıçılarının ədəbi irsinə müasir dövrün ruhunda münasibət öyrənilir. İlk dayanacağımız isə İsa Hüseynovdur.

Seyran Səxavət: “İsa Hüseynovun bütün yaradıcılığını sevirəm. Əgər onun “İsa Muğanna” adlı əsəri olsaydı, “İsa Muğanna” əsərini seçərdim. Ancaq deyim ki, İsa Hüseynovun cavanlıqda oxuduğum və ömürlük yaddaşımda qalan əsəri “Yanar ürək”dir. Bunun da səbəbi çox aydındır. Ədəbiyyat əslində həyatın uğurlu kserokopiyasıdır. İsa Hüseynovun bu əsəri təpədən-dırnağa, eninə-uzuna həyatın özüdür”.

Əkrəm Əylisli: “İsa Hüseynovun yaradıcılığının ikinci mərhələsi mənlik deyil. Mən onun ilkin dövrlər yazdıqlarını bəyənirəm. Zamanına görə İsa Hüseynov sözün əsl mənasında yeni nəfəs gətirmişdi. Bu nəfəs o qədər isti və işıqlı idi ki… Mən həmişə İsa Hüseynovu sevinə-sevinə oxuyurdum və hər oxuyanda içimə bir işıq düşürdü. “Yanar ürəy”i oxuyanda o qədər sevinmişəm ki, indi də ordan düşən işıq ürəyimin içindədir. İsa Hüseynovun ən çox “Teleqram” povestini bəyənirəm. Çox güclü əsərdir. O vaxt mən içində “Teleqram”ın da olduğu kitabın redaktoru olacaqdım, bütün qeydlərimi yazıb İsa Hüseynovla görüşdüm, o da mənim iradlarımla razılaşdı. Ancaq bilmirəm, kimsə dedi ki, Əkrəm redaktor olmasın, ayrı adam redaktorluğu üzərinə götürdü. O vaxt “Teleqram” Azərbaycan ədəbiyyatı üçün qeyri-adi və orijinal əsər idi. Məzmunca çox yeni idi və məni sözün həqiqi mənasında heyrətləndirmişdi. “Teleqram” İsa Hüseynovun “Tütək səsi”, “Saz” və başqa ilkin dövr əsərlərinin hamısından üstündür”.

Səfər Alışarlı: “50-ci illərdə Azərbaycan ədəbiyyatı o qədər pis bir gündəydi ki, ona bir hekayə ilə də təsir etmək, daha doğrusu, onu nəfəs kəsən pafos və ağ yalanlarla dolu “realizmindən” döndərmək mümkün idi. Bu baxımdan İsa Hüseynovun “Teleqram”, “Saz”, “Kollu Koxa” və sair hekayələri maraqlı və diqqətə layiqdir. “İdeal” romanını onun yaradıcılığının yekunu və zirvəsi saymaq olar!”

Səlim Babullaoğlu: “Ən sevdiyim əsəri “Məhşər”dir. Həm də ona görə ki, Nəsimidən, böyük bir şairdən bəhs edir...”

Ramiz Qusarçaylı: “İsa Hüseynov ən sevdiyim yazıçılardan biridir. Onun “Saz”, “Tütək səsi”, “Kollu koxa”, “Yanar ürək”, “İdeal” və “Məhşər”i hər zaman sevə-sevə oxuduğum əsərlər olub. Ən çox sevdiyim əsəri isə “Məhşər”dir. “Məhşər” romanında İsa Hüseynovun necə qüdrətli sənətkar olduğu açıq-aydın görünür. Əsərin fəlsəfi yükü çox güclüdür. Bənzərsiz üslubu var. İsa Hüseynov Azərbaycanın Çingiz Aytmatovudur. “Məhşər” romanının hər cümləsi bir dərsin mövzudur. Hətta dünya ədəbiyyatının da ən nadir əsərlərindən biridir “Məhşər”.

news-inner-user

19991 məqalə

Oxşar xəbərlər

Xəbər lenti

Məktəbə gəlməyə peşman olan əkiztayı, müəllimləri üçün darıxmayan uşaq, nəvəsindən bezmiş nənə – İlk dərs günündən reportaj
12:40 22 Sentyabr 2021
“Son günlər işdən qanıqara gəlirdi” - Qızı Fikrət Qocanın ölüm səbəbindən danışdı
11:49 22 Sentyabr 2021
Oğul, oğul, amandır! - Günün şeiri
11:14 22 Sentyabr 2021
Dərsin ortasında fıştırıq çalan şagird: Distant təhsildən reallığa
10:38 22 Sentyabr 2021
Məşhur aktyor vəfat etdi
10:18 22 Sentyabr 2021
Aktyor Elcan Rəsulov: “Afaq Bəşirqızı mənə dedi, çıx get burdan” – Müsahibə
09:00 22 Sentyabr 2021
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021
Aqşin Yenisey: “Bu, milli biabırçılıqdır” – Müsahibə
17:47 21 Sentyabr 2021
Seviş mənimlə, gecədir! – Məlihə Əzizpurun şeirləri
17:30 21 Sentyabr 2021
Ailə dəyərləri, qadın azadlığı və fahişəlik
16:44 21 Sentyabr 2021
Bizi zibilə salanlar - Sevda Sultanova yazır...
15:50 21 Sentyabr 2021
Rejissor öz ölümündən film çəkdi
15:10 21 Sentyabr 2021
Məktəb oxumayan yazıçı Nobeli necə aldı?
14:12 21 Sentyabr 2021
Fotoqraflar arasında müsabiqə elan olundu
13:02 21 Sentyabr 2021
Qardaşının ölümünü ondan gizlədilər, həkimlər övlad qadağası qoydu, “Ağlama, Zaur” şeirini yazdı - Anar Təhminəni onun həyatından götürmüşdü?
12:10 21 Sentyabr 2021
Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021