writer1

Şərif Ağayar

Məqalə sayı

550
clock12:26 calendar-gray 05 Yanvar 2016 view-gray314 dəfə oxunub
view-gray314 dəfə oxunub

Nə üçün də, nə üçün?

Bir gün Nəsrəddin Xocaya xəbər verirlər ki, bəs, nə yatmısan, qalx, düşmən gəlib kənd-kəsəyi işğal edir, çəkidə yüngül, qiymətdə ağır nəyin varsa, götür, aradan çıx. Xoca Nəsrədddin deyilən kimi də edir. Evində nə qədər pul-para, qızıl-gümüş varsa cibinə doldurub qaçır. Kəndin çıxacağında iki oğru qabağını kəsib üstündəkiləri əlindən alandan sonra, onu döyməyə başlayırlar. Yazıq kişi birtəhər özünü ələ alıb deyir: “Qardaş, məni nə üçün döyürsünüz? Az gətirmişəm, yoxsa, gec gəlmişəm?”

Bəli, “Nə üçün?” çox ciddi sualdır.

Görürsən biri səndən küsür, aylarla danışdırmır. Məsələnin ən dəhşətli yanı budur ki, sən adamın nə üçün küsdüyünü bilmirsən və o da sənə heç nə demir.

Soruşursan, yenə demir.

Frans Kafkanın “Məhkəmə” əsəri qos-qoca bir “Nə üçün?” sualı üzərində qurulub.

Bir səhər Josef K.-nın evinə üç nəfər gəlir, ona elan edirlər: “Sən həbs olunmusan.”

“Nə üçün?” - Josef K. bütün roman boyu bu sualın cavabını axtarır.

Və təbii ki, tapmır.

Dünyada “Nə üçün?” sualının altına gömülən minlərlə qətl, basqın, yanğın hadisəsi, müharibələr, fırtınalar, fəlakətlər vardır.

Xalq yazıçısı Elçin də deyir ki, mən yenicə çapdan çıxan “Baş” romanımı məhz “Nə üçün?” sualına cavab vermək üçün yazmışam.

Hətta ədəbiyyatımızda “Nə üçün” adlı ayrıca hekayə var.

Son günlər ölkədə baş verən hadisələr də adamın qafasında nəhəng bir “Nə üçün?” sualı doğurur.

Və bəlkə də bu “Nə üçün?” sualı onu doğuran səbəblərdən çox-çox böyükdür.

Elə buna görə heç vaxt cavab variantı olmur.

Məsələn, ciddi böhrana gömülməkdə olan ölkədə “Formula 1” yarışması NƏ ÜÇÜN keçirilməlidir?

Yaxşı, “Formula 1”-i anladıq, bəs bu “İslam oyunları” kimin nəyinə lazımdı? Biz cəhənnəm, İslamın oynayan günüdü ?

Açırıq saytları: 844 dərman qadağan olunub!

NƏ ÜÇÜN?

Cavab yoxdur.

Axtarsan da tapa bilməzsən.

Sosial şəbəkələrdə ehtimal olunur ki, dərmanlara bütünlüklə yox, istehsalçı ölkəyə görə qadağa qoyulub. Yəni, ola bilsin Karvalolu Rusiya yaxşı buraxmır, ona görə Səhiyyə Nazirliyi istəkli vətəndaşlarına Rusiya istehsalı olan Karvalolu qadağan edir. Başqa yerdən gələn eyni adlı dərmana yasaq yoxdur. O zaman ikinci sual çıxır ortaya: NƏ ÜÇÜN indiyədək yasaq qoymurdu? Pis idisə çiçəklənən ölkəyə niyə buraxırdı? Böhran gələn kimi yaxşı dönüb pis oldu?

Yaxud, içkilər kartla satılacaq – NƏ ÜÇÜN?

Bayaq bir iqtisadçı dostum “depozit”, “təmərküzləşmə” kimi qəliz terminlərlə içki-kart oyununu mənə iki saata başa saldı. Üstəlik bildirdi ki, söhbət 50 manata qədər olan xırda al-verdən yox, topdansatışdan gedir. Amma, Məşədi İbad demişkən, mən bilmirəmsə, bu bisavadlar haradan biləcək?

Tək kəlmə – absurd ölkədə, hətta absurd dünyada yaşayırıq.

İş o yerə çatıb ki, “Maşınlara apteçka, qəza nişanı və yanğınsöndürən” - alın deyəndə də camaat xoflanır. İzahını bildiyi bu qərarda da nəsə absurd axtarır. Çünki bizdə yaxşı qərarlar da yaxşılıq naminə verilmir. Nəyə görəsə verilir, sadəcə təsadüfən yaxşılıqla üst-üstə düşür.

Bəli, bizdə yaxşı qərarlar da yaxşılıq məqsədi ilə verilmir!

Görəsən, NƏ ÜÇÜN?

REKLAM

Yazarın digər yazıları

Xəbər lenti

Stalinin əlindən qaçdı, Məkkədə yaşadı, üç arvad aldı - Leninin müsəlman qardaşı
15:33 16 İyun 2021
Rüşvət alan kişilərin arvadları haqda 10 cümlə
14:45 16 İyun 2021
Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri - İlham Əziz yazır...
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021