writer1

Mirmehdi Ağaoğlu

Məqalə sayı

559
clock10:19 calendar-gray 02 Oktyabr 2015 view-gray127 dəfə oxunub
view-gray127 dəfə oxunub

Xoşqədəm və müsəlman sünnəti

Lütfi Zadənin yerlimiz olması barədə nə qədər ucadan danışırıqsa danışaq, xeyli yoxdur, biz qeyri-səlis məntiqdən çox uzağıq.

Bizim üçün ağ-qara var.

Aralarındakı rənglər yoxdur.

0-1 var.

Aralarındakı sonsuz sayda ədədləryoxdur.

Bizim üçün yuxarı və aşağı, əyri və düz, pis və yaxşı, olum və ölüm var.

Biz bir adamı ucaldanda onu Comolunqmaya qaldırırıq, yendirəndə Mariana çökəkliyində qərar tuturuq.

Ortada bir yerlərdə dayanmaq yoxdur.

Bu vəziyyət təkcə adamlarla bağlı deyil; qurumlarla, şirkətlərlə, verilişlərlə də belədir. Biz hər şeyə münasibətdə beləyik: ya qaldırırıq, ya da endiririk.

Sosial şəbəkələrdə Xoşqədəm Hidayətqızının bağalanan “Sən tək deyilsən” və “Axtarıram səni” verilişlərinə olan münasibət də bunun göstəricidir. Hamı bir ağızdan xalqı təbrik edir, sevinir ki, nə yaxşı oldu, bu veriliş bağlandı.

Özü də hansı veriliş? Ölkənin ən reytinqli verilişlərindən biri.

Xoşqədəm Hidayətqızının verilişinin efirdə olduğu bu dörd-beş il ərzində mən açığı xeyirdə-şərdə, avtobusda, marketdə, bazarda sözümün canı ölkənin hər yerində bu verilişin müzakirə olunduğunu görmüşəm.

Veriliş gedən gün hansı evə girmişəmsə, hansı məkanda televizor görmüşəmsə onun ekranında bu veriliş olub. Xalq ciddi-ciddi bu verilişə baxıb, qəhərlənib, kövrəlib, ağlayıb, sevinib, məyus olub. Camaat verilişin hər sayını müzakirə edib.

Birmənalı, veriliş sevilib.

Eyni şeyi “Mikayıl şou” haqqında da demək olar. Həftənin birinci günü Bakı nədi, bütün ölkə toy mahnılarından dağılır. Evdə otura bilmirsən, küçəyə çıxa bilmirsən. Sadə səbəb: bütün evlərdən Mikayılın verilişinin sədası yüksəlir.

Ələ salsaq da, bəyənməsək də reallıq budur. Çoxluq bunu istəyir. Bunu sevir.

Sual edirəm? Bəs bu verilişə baxanların haqqı nə olsun? Onların istəkləri nə olsun!

Ona görə deyirəm ki, qeyri-səlis məntiqdən uzağıq. Çox uzaq. Biz ancaq kəsib atmağı bacarırıq. Xoşqədəmin verilişinin efirə getdiyi bu illər ərzində onunla birlikdə televiziyaçıların “maarifləndirici” dediyi verilişlər də efirdə olsaydı onda, bizim bu rəngli efir məkanında da ağ-qara görüntü ortaya çıxmazdı.

O zaman hərə öz işini bilərdi. Kim hansı verilişi istəyir ona baxardı. Həmin reytinqli verilişlərin də efir məkanında tutumu az olardı. Balans pozulmazdı. Bax o zaman Xoşqədəmin verilişini bağlamaq da lazım gəlməzdi. Türklər demiş; evli evinə, köylü köyünə.

Yoxsa, bu “ağ-qara” məntiqi ilə müsəlman sünnəti kimi kəsə-kəsə özümüzdə bir şey qoymayacağıq.

REKLAM

Yazarın digər yazıları

Xəbər lenti

“Biz Kann festivalına ermənilərdən əvvəl getmişik” - Nazirlikdən açıqlama
11:01 02 İyul 2020
Kannda erməni biabırçılığı ilə bağlı Nazirliyə suallarım – Sevda Sultanova yazır...
10:37 02 İyul 2020
Dünyaca məşhur roman Azərbaycanda nəşr edildi
10:09 02 İyul 2020
Tağıyev bulağında qətl söhbəti – Ayxan Ayvazın yeni reportajı...
09:00 02 İyul 2020
Dünyanın ən böyük aforizm ustasından əzbərlənəsi 15 nümunə
21:02 01 İyul 2020
Ermitaj muzeyi açılır
18:42 01 İyul 2020
Uşaq arabasına qoşulan fil – Yazıçı Şahmar haqda esse
18:04 01 İyul 2020
"Ulduz"un iyun sayı nəşr edildi
17:12 01 İyul 2020
Röya koronavirus testindən keçib
16:29 01 İyul 2020
ABŞ Film Akademiyası təmsilçilik böhranı yaşayır
16:00 01 İyul 2020
Kinematoqrafçılar İttifaqından Kann Festivalına etiraz məktubu
15:14 01 İyul 2020
Xəyanətə görə boşanan, həkim səhvindən xərçəngə tutulan, son nəfəsdə keçmiş ərini arzulayan aktrisamız – Maraqlı faktlar
14:36 01 İyul 2020
Məşhur amerikalı aktyor vəfat etdi
13:54 01 İyul 2020
Mədəniyyət Nazirliyində yoxlamalar aparılır? - Rəsmi
13:12 01 İyul 2020
Qəpik-quruşa satılan yeni dünya - Şəhla Nihanın hekayəsi
12:38 01 İyul 2020
Yaradıcı gəncliyimizi erməniyə uduzduranlar
12:10 01 İyul 2020
Nazim Hikmətin yeni şeirləri tapıldı - Fotolar
11:34 01 İyul 2020
Əməkdar artist dünyasını dəyişdi
11:08 01 İyul 2020
Bakıya qarşı əyalət nankorluğu
10:51 01 İyul 2020
Bakıda İnstaqram-jurnal fəaliyyətə başladı – İlk dəfə
10:11 01 İyul 2020