news-inner
clock10:35 calendar-gray 28 Sentyabr 2015 view-gray2179 dəfə oxunub
view-gray2179 dəfə oxunub

Metrodakı qızın açıq ayaqları - MÜNASİBƏT

Sosial şəbəkələrdə metroda itini böyründə otuzduran bir qızın fotosu yayılıb. Qızın başı üstündə ayaq üstündə ortayaşlı kişi dayanıb. Şəkili çəkən kimdisə, kişi birbaşa o adama baxır, ola bilsin fotosunun çəkildiyindən xəbərdardı. Sözüm onda yox.

Hamı qızı qınayır ki, özündən böyüyə yer verməyib. Əvvəla, inanmıram ki, o kişi qızın yanında oturmaq istəsəydi, qız icazə verməyəcəkdi.

Üstəlik, mən özüm avtobusda, metroda özümdən kiçiklərə yer verirəm. Məktəbdən qayıdan, çantaları ağır olan uşaqlara yer vermək qoca adama yer verməkdən daha savabdı.

Və həm də o şəkildəki kişi vallah, məndən daha sağlam görünür. Onun yerində mən olsam, qocalığı belə tez boynuma almaram. Arıma gələr.

Qızın bir hərəkəti qalıb kənarda. Hamı qızın geyimindən yazır. Qızın geyimində də qeyri-adi bir şey yoxdu. Şortikdədi sadəcə.

Uşaqlığım əyalətdə keçmişdi. 90-cı illərin əvvəlində əyalətlərdə dirsəyə qədər açıq qollu geyinirdi qadınlar. Paltarın qolu dirsəkdən ki, qalxdı eyib sayılırdı. Şəhərdən gələn qadınlar da açıq çiyinlərinin üstündən yaylıq, ya başqa bir köynək atmağa məcbur qalırdılar. Çünki şəhərdə normal qəbul olunan geyim forması rayonda qəbul olunmurdu. Kənardan hamı gözünü bərəldib baxırdı. Şəhərli xanımlar narahat olurdular.

Bacıları Bakıda ərdə olan kişilərin başına arvadları baldızlarının açıq çiyinlərini qaxırdı. “Bacın çiynin, boynun-boğazın bayırda qoyub” - deyə kinayə edirdilər. Əslində, paxıllıqlarından. Özlərinə o cür geyinməyə imkan vermirdilər axı.

Sonra bu adət şəhərdən rayonlara, kəndə yayıldı. Qolu dirsəkdən yuxarı köynəklər geyinməyə, bazarda, dükanda satmağa başladılar. Şəhərdən gələn qadınların qolları heç kimi narahat eləmədi.

İndi də şortiklə eyni problem yaşanmaqdadı. Dizinə qədər açıq şalvar, ətək geyinsən, normaldı. Kimsə söz deməyəcək. Çünki adamların gözləri alışıb. Onlar üçün dizi görünən qadın əxlaqsız deyil. Dizi görünən qadının beyninin içində seksual çağırış zad yoxdu. Bunu dəqiq bildikləri üçün kişilər heç bir reaksiya vermirlər.

Elə ki, qısa şortik geyinən balaca qız uşaqları gördülər. 90-cı illərin əvvəlindəki əyalətə dönür Bakı nəzərimdə.

Qızımın 11 yaşı var. O, şortikdə böyüyür. Əlbəttə, o, 70 yaşı olanda da şortik geyinəcək. Oğlum da həmçinin. 70 yaşlı kişi olanda da şortik geyinəcək. Və digər uşaqlar da. Çünki gözlərini açıb şortikdə görüblər bir-birini. Onlar bir-birini ayıblamayacaqlar. Gənc nəsil şortik geyinməkdə qüsur, qəbahət görməyəcək. Açıq qadın ayaqları yeni nəsil kişiləri narahat etməyəcək. Nə gözəl! Qadın ayaqları cinsi obyekt olmaqdan çıxacaq.

Zatən qadını cinsi obyekt, yeriyən seks maşını olmaqdan xilas etmək lazımdı. Görürsünüz ki, artıq qadın biləyi, qadın qolları, qadın ayaqları, dizləri cinsəl hissləri qıcıqlandıran, hərəkətə gətirən nəsnə olmaqdan çıxmışdır. Modern geyimlər nəticəsində.

İzin verin qadınların ayaqları da cinsəl hissləri hərəkətə gətirən mexanizm olmaqdan qurtulsun!

Şortik geyinməyin əleyhinə olanlar şüuraltı arzulayır ki, qadın ayaqları sirli, sehrli qalsın. Öz ecazkar cinsi ehtirasları oyadan ampluasında qalsın.

Qadın ayaqlarına sadəcə ayaq olmağı üçün imkan tanıyın!

Qadın ayağı yerimək üçündü. Qadını daşımaq üçündü. Qadın əlləri işləmək, yaratmaq, uşaq bələmək üçündü. Qadın döşləri körpəyə süd vermək üçündü.

Şeytanla, nəfsinizlə mübarizə aparmaq istəyirsinizsə, onunla beyninizin içində müharibəyə girin.

Onu kənarda axtarmayın!

Oxşar xəbərlər

Xəbər lenti

Oğlunun ölümünü ondan 40 gün gizlədilər – Xalq artisti haqqında maraqlı faktlar
21:13 21 Yanvar 2021
Xalq şairinin oğlu: “Atamın xəstəliyini hamıdan gizlətdim” - Müsahibə
20:00 21 Yanvar 2021
Tarix Muzeyinə direktor təyin edildi
18:59 21 Yanvar 2021
"Netflix"in abunəçilərinin sayı rekord həddə çatdı
18:15 21 Yanvar 2021
Filipp Kirkorov bu ölkəni məhkəməyə verir
17:39 21 Yanvar 2021
Bizdən istifadə edən qəddar sənətkarlar – Mehman Qaraxanoğlu yazır...
17:19 21 Yanvar 2021
"Bu nə deməkdir?" - Qismət nazirliyin keçirdiyi müsabiqəni tənqid etdi
16:38 21 Yanvar 2021
Makgregor Porye qarşıdurmasına 1xBet-dən "Risk etmədən mərc"
16:23 21 Yanvar 2021
Tanınmış müğənni şəhid baş leytenanta mahnı həsr etdi - Video
15:40 21 Yanvar 2021
Sən istə, sənin üçün batım hər günaha mən – Orxan Bahadırsoydan yeni şeirlər
15:01 21 Yanvar 2021
"Min bir gecə" Mariinski Teatrında anşlaqla nümayiş olundu - Foto
14:20 21 Yanvar 2021
Ədəbiyyat müsabiqəsinin qalibləri bəlli oldu
13:41 21 Yanvar 2021
Əsgər payına göz dikənlər
13:17 21 Yanvar 2021
Moskvada teatr və kinoteatrlar açılır
12:43 21 Yanvar 2021
O doğulmamış atası Sibirə sürgün edildi, ömrünü mənfi rollara həsr etdi, “baş yaramaz” adını qazandı – Kinomuzun “Göygöz kosa”sı
12:07 21 Yanvar 2021
Qar yağır - Günün şeiri
11:34 21 Yanvar 2021
21-ci əsrin 21-ci ilinin 21-ci günü – Bu gün nə baş verəcək?
11:03 21 Yanvar 2021
Tünzalə Ağayeva Şuşa haqqında klip çəkdirdi - Foto
10:34 21 Yanvar 2021
Azərbaycanlı rəssamın ABŞ-dakı sərgisi beynəlxalq mətbuatda
10:14 21 Yanvar 2021
Vətəni söyməyə nə var? - Aqşin Yenisey qürbətdə aşağılanmaqdan yazır...
08:58 21 Yanvar 2021