writer1

Mirmehdi Ağaoğlu

Məqalə sayı

574
clock11:53 calendar-gray 31 İyul 2015 view-gray237 dəfə oxunub
view-gray237 dəfə oxunub

Facebookun Füzulisi

Bir neçə gün əvvəl internetdə bir kəps çıxdı qarşıma. Kəpsdə Füzulinin adından belə bir sitat vardı: Talehə sitəm eləmə. Sən nə vaxt buğda əkdin də arpa dərdin?

Əvvəlcə onu deyim ki, Füzulini bizə heç vaxt doğru yöndə tanıtmayıblar. XXI əsrdə yaşayırıq, hələ də məktəbdə “Padişahi-mülk, dinarü dirəm verib/Fəthi-kişvər qılmağa eylər mühəyya ləşkəri” şeirini öyrədirlər. Əlimi vicdanıma qoyub əminliklə deyərəm ki, bunu heç ədəbiyyat müəllimlərinin çoxu tam aça bilmir.

Di gəl ki, məktəblilərə əzbərlədirlər. Bəlkə də əlli ildir ki, belə gəlib, belə gedir. Füzulini bu üsulla tanıyan adam da, sonra ondan qaçaq düşür, çünki başa düşməyib. Əzbərləyib. Ona görə də bizimkilərin elə yalandan “Füzuli böyük şairdir” deməkləri var, əslindəheç bir beytini də anlamırlar.

Türklər bu baxımdan çox yaxşıdırlar. Qəzəlin, beytin mənasını, asan, çağdaş dillə yazırlar, onu çatdırmağa çalışırlar. Camaat da rahat başa düşür.

Gələk kəpsimizə. Bilmirəm, bu beyt Füzulinindir ya yox, Füzulinindirsə hansı qəzəlindəndir. Amma bir şeyi əminliklə deyə bilərəm ki, olduqca dərin, müdrik fikirlərdir.

Həqiqətən.

Nə qədər taleyimizdən, bəxtimizdən şikayət edəcəyik? Bəlkə təqsir özümüzdədi? Axı nə vaxt buğda əkdik ki, indi arpa biçdiyimiz üçün şikayət edirik? Əkəndə baxmışdıqmı nə əkirik, arpamı, buğdamı?

İnsan taleyini, alın yazısını həmişə şahmat oyununa bənzətmişəm. Elə adam var ki, şahmatda ancaq bir gedişi görə bilir, eləsi də var on gedişi əvvəldən müəyyənləşdirir. Bəlkə Tanrı da hələ on nəsil əvvəldən bizim hansı gedişləri edəcəyimizi görür, bilir. Elə bil, meşədə itmisən, biri də vertolyotdan baxıb sənə deyir ki, filan cığırla getsən qarşına ayı zağası çıxacaq, o biri ilə getsən bulaq görəcəksən. İstər buna öncəgörmə de, istərsə də alın yazısı. İndi atdığımız addımın sabah taleyimizə təsiri var.

Bethovenin atası onu döyməsəydi bəlkə dünya doqquzuncu simfoniya ilə tanış olmayacaqdı.

Burda başqa bir atalar sözü də yada düşür. Nə əkərsən, onu da biçərsən. Deməli, üzülməyə, taleyə sitəm etməyə, bəxtimizi qınamağa dəyməz, bu gün dərdiyimiz meyvələr dünən əkdiyimiz toxumlardı.

Nə isə.

Keçənə güzəşt deyərlər.

Heç olmaya bundan sonrasına diqqət edək.

REKLAM

Yazarın digər yazıları

Xəbər lenti

“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021
Dəyişən gerçəkliklərdə gizlənən həyat - Aliyə yazır...
17:01 18 Yanvar 2021
Xalq artisti xəstəxanaya yerləşdirildi
16:19 18 Yanvar 2021
"Şanlı tarix" sərgisi açılacaq
16:09 18 Yanvar 2021
Elçiliyə gecə saat 1-də gedən, Cəfər Cabbarlının qızını alan, baba olduğunu eşidəndə dünyasını dəyişən yazıçı – Maraqlı faktlar
15:27 18 Yanvar 2021