news-inner
clock10:00 calendar-gray 25 İyul 2015 view-gray242 dəfə oxunub
view-gray242 dəfə oxunub

Adam öldürən aşiqlər – QALMAQALLI FİLMLƏR

Kulis“Ən qalmaqallı filmlər” layihəsində amerikalı rejissor Artur Pennin “Bonni və Klayd” filmini təqdim edir.

1922-ci ildə doğulan Penn “Kiçik nəhəng adam”, “Gecə addımları”, “Qaranlığın içindən” və s. maraqlı filmlərin müəllifidir.

Amma rejissorun ən yadda qalan və ona dünya şöhrəti gətirən filmi “Bonni və Kalyd” kriminal dramıdır.

Amerika tənqidçisi Rocer Ebert bu ekran əsəri haqda yazırdı: “Mən Oskara inamımı “Bonni və Klayd” filmi qalib olmayanda itirdim”.

Süjeti: Ofisiant qız Bonni Parker cinayətkar Klayd Berrou ilə onun anasının maşınını oğurlamaq istəyəndə tanış olur.

Boz, monoton həyatından sıxılan gənc qız Klaydın yüngül, asan həyat haqda fikirlərindən təsirlənir. Onlar yaxınlaşaraq, soyğunçuluqla məşğul olan dəstə yaradır.

Dəstə mağazaları, bankları yarır, adam öldürür, polisə yaxalanmamaq üçün daim yaşayış yerlərini dəyişməli olur.

Filmin süjeti real hadisələrə əsaslanır.

Böyük Depressiya dövründə soyğunçuluqla məşhur olan Bonni və Klaydın hekayəsini danışır. Dəstənin fəaliyyəti 1930-cu illərin əvvələrində bank və dükanların soyulması ilə başlayıb. XIX əsrin 30-cu illərində Şimali Amerikada işsizlik və aclıq problemi olduğundan, əhali varlı insanları, xüsusən də bankları günahlandırırdı. Bu səbəbdən Bonni və Klayd tərəfindən gercəkləşdirilən soyğunçuluq hadisələri yerli xalq tərəfindən hərarətlə qarşılanırdı. Bonni və Klayd arasında sevgi münasibətlərinin olması onlara rəğbəti daha da gücləndirmişdi.

Bonni və Klayd dəstəsinin özünəməxsus cəhətlərindən biri də, hər soyğundan sonra hadisə yerinə çiçək buraxmaları idi.

Rejissor filmdə onların fəaliyyətini romantikləşdirərək cəmiyyətin mövcud durumuna qarşı qiyam kimi təsvir edib. Personajların cinayətkar olmasına rəğmən müəllifin onlara qarşı açıq-aşkar simpatiyası hiss olunur. Bonn və Klayd cəmiyyətin qanunlarını, dəyərlərini rədd edir, seçdikləri yolun həqiqiliyinə inanırlar. Onlar həyatı qısa, amma birnəfəsə yaşamaq istəyirlər.

Klayd kasıbların müdafiəçisi, varlıların qənimi kimi göstərilir. Səhnələrdən birində dəstə bankı soyanda, Klayd görkəmindən yoxsulluq yağan yaşlı kişinin ona uzatdığı pulu almır. Onlar soyğunçuluq edərkən mümkün qədər qurbansız ötməyə çalışır. Kimisə öldürməyə məcbur olanda isə vicdan əzabı çəkirlər.

Bonni fəaliyyətləri haqda poema yazır, qəzetlər isə onu çap edir. Dəstə daha da məşhurlaşır, onların fanatları çoxalır.

Amerika kinosunda kult sayılan “Bonni və Kalyd” 1960-cı illər yeni istiqamətin - romantik qanqster kinosunun əsasını qoydu. Ənənəni “qanqster film” janrının modernləşdirilməsi sonrakı rejissor nəslinin yaradıcılığna böyük təsir elədi.

Cinayətkarların fəaliyyətinin poetikləşdirilməsi tənqidçilərin çoxu tərəfindən pis qarşılandı. Bu mənada film hələ də qızğın müzakirələr doğurur.

Bir qism tənqidçi isə əks fikirdədir. Onlara görə Bonni və Klayd böyük depressiya illərində itirilmiş nəslin nümayəndələridir. Onların fəaliyyəti 1960-ci illər Amerika cəmiyyətinə çağırışdır, Klaydın dəstəsinin polislər tərəfindən gülləbaran edilməsi isə Vyetnam müharibəsi əleyhinə hərəkatın dağıdılmasını ifadə edir.

Filmin sloqanı da bir qədər təxribaq xarakterlidir: “Onlar gəncdilər... onlar aşiqdirlər... və onlar adam öldürürlər”.

“Bonni və Klayd” operator işinə və ikinci planda ən yaxşı aktrisa nominasiyalarında Oskar alıb. Digər yeddi nominasiyada isə qalib ola bilməyib.

Bəzi versiyalara görə Klayd homoseksual olub. Və onların dəstəsinə Bonninin keçmiş sevgilisi Reymond da qatılıb. Reymondun həm Bonni, həm də Klaydla cinsi münasibətləri olub.

Oxşar xəbərlər

Xəbər lenti

"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021