writer1

Sevda Sultanova

Məqalə sayı

860
clock12:04 calendar-gray 14 Aprel 2015 view-gray184 dəfə oxunub
view-gray184 dəfə oxunub

16 yaşlı qızı oynamaq istəyən aktrisalarımız

Sevimli dostlarımdan birinin dəvəti ilə bir neçə ildir ki, Milli Dram Teatrının səhnəsində oynanılan “Teleskop” (pyesin müəllifi Elçin, quruluşçu rejissor Kamran Şahmərdan) tamaşasına getmişdim.

Pyes zəif idi...

Orta yaşlı kişinin kliniki ölüm zamanı axirətə düşməsindən, ordan teleskopu yer kürəsinə tuşlayıb qohum-əqrəbalarının, tanışlarının izləməsindən, Yer kürəsinə dönmək istəməməsindən bəhs edən pyesdə qaynana-kürəkən münasibətinə, həkim məsuliyyətsizliyinə və sair məsələlərə ənənəvi yanaşma var. Dialoqlar darıxdırıcı gəldi. Tamaşanın quruluşunun, aktyor oyununun az-çox cəlbediciliyi, bol musiqi olmasaydı yəqin ki, tamamilə yuxulayacaqdım.

Mən əsnəyir, darıxdığımdan sağ tərəfimdəki qapının ağzında dayanıb xısınlaşan qadın nəzarətçilərə baxırdım.

Bilmirəm niyə, tamaşaçı zalından bir neçə pillə yuxarıda dayanan səhnədə gördüklərim mənə maraqlı gəlmir. Əksinə, beş-on addımlığımda dayanan bu nəzarətçi qadınları həmişə maraqlı hesab eləmişəm.

Onlar təkcə tamaşaçı salonunda nizama, sakitliyə nəzarət etmir, sanki səhnə arxasında baş verən hər şeydən xəbərdardır, amma bunu heç bir halda kənara ötürmür, mühüm, əhəmiyyətli sirr kimi özlərində saxlayırlar.

Bir anlıq ürəyimdən keçdi ki, bəlkə İsrafil İsrafilova müraciət edim məni də nəzarətçi götürsün.

Gerçəklər səhnə arxasında yaşanır. Səhnədə gördüklərim isə həddən ziyadə pafosludur, lazım olduğundan da şərtidir, təklif olunan vəziyyətlər sünidir, bozdur.

Nə maraqlıdır, məsələn?

Aktyorlarımızın, aktrisalarımızın daxildə səsləndirdiyi monoloqları necədir? Teatrı necə görmək istədikləri ilə bağlı dilə gətirə bilmədikləri düşüncələri nədir? Sonra səhnə arxasında yaşanan intriqalar, dedi-qodular...

Maraqlıdır ki, “Balzak dövrünü” yaşayan aktrisa 16 yaşlı Culyettanı niyə oynamaq istəsin ki?

Axı bu Cülyettada, 16 yaşlı infantil, sadə, bəsit bir qızda dolğunlaşmış qadın üçün maraqlı nə ola bilər? Əlbəttə ki, təxmini cavablarım var: ya aktrisanın gəncliyində reallaşmamış arzusudur, ya yaşı ilə barışmaq istəmir, ya da daxilindəki qızcığazdan qurtula bilmir. Amma təbii ki, doğru cavablar yenə də onların özündədir.

Axtarsan, dünya ədəbiyyatında, gənc Cülyettadan, Ofeliyadan qat-qat maraqlı, cəlbedici qadın obrazları var.

Üstəlik, bizim teatrlarda Şekspirin pyeslərinə adətən ənənəvi traktovkada quruluş verirlərsə və tutaq ki, min dəfə oynanılmış Ofeliya obrazına aktrisa əlavə nə qata bilər ki?

Amma fin rejissoru Aki Kaursimakinin rejissurasında dekonstruskiyaya məruz qalmış soyuq, bivec, sanki ətrafında baş verənləri dərk etməyəcək kimi küt görkəmi olan bir az kobud, bir az məzəli Ofeliyanı mən də oynamaq istəyərəm.

....Yaxud küsülü, bir-birinə nifrət edən aktyorların eyni səhnəni paylaşması, tərəf-müqabil olması necə bir hissdir? Qisas almaq üçün nə vaxtsa bir-birinə səhnədə tələ qurublarmı?

Somerset Moemin “Teatr” romanında peşəkar aktrisa Culiya kimi. Bu, romanın ən sevdiyim parçasıdır: Culiya gənc həmkarından qisas almaq üçün premyerada rejissorun quruluşunu alt-üst edir. O, özünün əvvəlcədən hiyləgərcəsinə düşündüyü səhnə mizanları, cazibəli jestləri, kostyumu, pauzaları ilə gənc aktrisanın oyununu heçə endirir.

Bizim aktyorların təcrübəsində oxşar hadisələr olubmu?

Hər halda Alehandro İnarritunun bizim teatrların kulisində baş verənlər haqqında “Birdman”dan daha maraqlı, faciəvi qara komediya çəkəcəyinə inanıram.

Çox istərdim ki, aktyorlarımızın arasında nə vaxtsa biri tapılıb onlara sırınan saxta pyeslərə, həyatla əlaqəsi olmayan rollara etiraz etsin.

“Birdman”da tamaşanın saxtalığına etiraz edərək butaforiyanı dağıdan, bu saxta oyunun bir hissəsinə çevrilən tamaşaçıya təpinən Mayk kimi davransın: “Bəsdirin, dünyaya mobil telefonun ekranından baxdız. Reallığa qayıdın”.

Amma Maykdan daha sərt....

REKLAM

Yazarın digər yazıları

Xəbər lenti

Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021
Bu da bu cür həyatdır – Elçinin hekayəsi
09:29 13 May 2021
“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
Şuşada "Xarıbülbül" festivalı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021