news-inner
clock12:59 calendar-gray 06 Aprel 2015 view-gray215 dəfə oxunub
view-gray215 dəfə oxunub

Əlfi Qasımovun yas yerində içdiyi zoğal arağı - GİZLİ ƏDƏBİYYAT

Kulis “Gizlin ədəbiyyat” layihəsindən Ülfət Kürçaylının “Əl yumaq məsələsi” yazısını təqdim edir.

Yazıçı Əlfi Qasımovu çox hörmətli, vəzifə sahibi olan bir adam atasının yas məclisinə dəvət edir. Deyir, axşamçağı işdən çıxıb yollandım ora, binanı tapıb, mərtəbəni qalxdım, açıq qoyulmuş çöl qapısından içəri daxil olduğumu gördüm ki, iki nəfər böyürdən çıxıb qollarıma girdi. Ağzımı açmağa macal tapmadım. “Buyurun, buyurun” - deyə-deyə, yalan olmasın, sürüyüb saldılar bir böyük otağa və gözdən itdilər. Çaş-baş baxıb gördüm ki, 50-60 kişilik məclis sükut içində yanıqlı-yanıqlı ehsan plovunu yeməyə məşğuldur. Nimçə və qaşıq çıqqıltısından başqa səs gəlmir.

Yuxarı başdan məclis sahibi ayağa qalxıb aram-aram mənə tərəf yaxınlaşdı. Gözlərini sıxaraq içini çəkdi, ağzındakını xəfif-xəfif çeynəyərək başını yırğaladı və yer göstərdi. Əlimi uzadıb bir-iki dəfə çiynini döyəclədim və “Allah rəhmət eləsin, axır qəmin olsun” deyib göstərilən yerdə əyləşdim. Kişi yenə asta-asta gedib oturdu öz yerində.

Çox gözləməli olmadım. Əyləşməyimlə bir dağ plovun buğlana-buğlana qarşımda peyda olduğu bir oldu. Sağ olsun, kişi səriştəli adammış. Bir göz işarəsiylə bu boyda məclisi idarə eləyə bilirdi. Gözəgörünməz əllər ehmallıca gah o çiyindən, gah bu çiyindən boylanaraq böyük ustalıqla nimçələri dəyişdirir, süfrəyə təzə şərbət qoyurdular. Özü də vaxtlı-vaxtında.

Xülasə, mən də bismillah eləyib camaata qoşulmaq istəyirdim ki, məclis yiyəsinin səsini eşitdim.

- Əlfi müəllim, bir zəhmət çəkib keçib əllərini yuyaydın.

Qulaqlarıma inanmadım. Bərk tutuldum. Başımı qaldırıb kişiyə baxdım, gördüm çox ciddi tərzdə mənə gözləriylə işarə eləyir ki, o yana buyurum. Sakitcə dedim ki, minnətdaram, ehtiyac yoxdur. Kişi əl çəkməyib bir də təkrar elədi ki, Əlfi müəllim, xahiş edirəm, durub əllərini yuyasan.

Lap bərk tutuldum, ötəri məclisdəkilərə nəzər saldım. Gördüm fikir verən yoxdu. Məclisdə qəribə bir həmrəylik mövcuddur və hamı başını aşağı salıb öz işiylə məşğuldu. Hirslə yerimdən qalxıb otaqdan çıxdım. Dəhlizdə çöl qapısına tərəf addım atmamış yenə o iki nəfər xeyirxahım özlərini üstümə atdılar, “buyurun, buyurun” deyə-deyə qoluma girib əks tərəfə yönəltdilər və gətirib saldılar əvvəlcədən açıq qoyduqları hamam otağına. Arxamca qapını da örtdülər. Bilmədim nə edim. Eləcə durub bu əcaib vəziyyətdən necə çıxmağı fikirləşirdim ki, hamam otağı üçün deyilməmiş, qəribə, tanış bir rayihə burnumu çaldı. O yan-bu yana göz gəzdirdim. Sol tərəfimdəki rəfdə bir ağzı açıq araq şüşəsi nəzərimi cəlb elədi. Yanında əlli qramlıq büllur badə və barmaq yoğunluğunda duzlu xiyar boyunlarını büküb durmuşdu. “Sən bizim ellərin ruhuna bir bax” deyib daha məsələni çox uzatmadım. Azı yetmiş dərəcə gələn çəhrayı zoğal arağından nuş edib, dalınca bir udumluq kövrək xiyarı da ötürüb “behiştlik olasan” dedim və ürəklə yollandım qardaşların yanına. Otağa girib düz məclis yiyəsinə baxdım. O, yenə bayaqkı kimi gözünü sıxıb içini çəkdi və başını aşağı yellədə-yellədə “əyləş” işarəsini verdi. Əyləşib iki qaşıq yemişdim ki, gözümü qaldırıb bir də məclisdəkilərə nəzər saldım. Hamı tez-tez əlini yumağa gedənə oxşayırdı.

Digər yazılar:

Süleyman Rüstəm Əbülhəsəni necə aldatdı?

Oxşar xəbərlər

Xəbər lenti

Karyerasına atası son qoydu, dostları nankor çıxdı... – Kinomuzun Sərvərindən maraqlı faktlar
15:02 21 Sentyabr 2020
Tanınmış Türk yazıçısının kitabı Azərbaycanda
14:18 21 Sentyabr 2020
Rəsulzadəyə həsr olunmuş dərgi çap olundu
13:32 21 Sentyabr 2020
Biz səni niyə oxuyaq? – Qismət gənc yazarı tənqid etdi
12:50 21 Sentyabr 2020
Azad seks və şantaja qurban gedən qızlarımız – Fəridə yazır...
12:08 21 Sentyabr 2020
Kənan Hacıya vəzifə verildi
11:35 21 Sentyabr 2020
Seyid Əzimin qəzəllər kitabı Özbəkistanda
11:05 21 Sentyabr 2020
Yol polisi ilə şortik davası
10:30 21 Sentyabr 2020
"Emmi" mükafatının qalibləri açıqlandı
10:03 21 Sentyabr 2020
Xalq yazıçısını dəfn edən molla: “Onu məzara qoymağa bir qohumu, dostu tapılmadı” – Müsahibə
08:58 21 Sentyabr 2020
Məşhur meyxanaçı: "O işlə təkcə meyxanaçılar məşğul deyil ki" - Video
17:01 19 Sentyabr 2020
Rejissormuzun filmi beynəlxalq festivalın qalibi oldu
15:51 19 Sentyabr 2020
Bitlz qrupu haqqında kitab çap olundu
14:41 19 Sentyabr 2020
Mənə möcüzə kimi görünən ədəbi hadisə - Elçin yazır...
13:30 19 Sentyabr 2020
Dörd min ildi dustağam - Adil Şirinin şeirləri
12:20 19 Sentyabr 2020
Dovlatovun heç yerdə çap olunmamış şeiri sərgiləndi
11:05 19 Sentyabr 2020
Respublika Uşaq kitabxanası yeni layihəsinin ilk mövzusunu Milli Musiqi Gününə həsr edib
09:59 19 Sentyabr 2020
Mətbəxdə cazibəsini itirən qadının dramı
09:00 19 Sentyabr 2020
Üzeyir Hacıbəyovun felyetonu: “Cin”
21:01 18 Sentyabr 2020
Açıq havada premyera oldu – İlk dəfə
19:01 18 Sentyabr 2020