news-inner
clock14:04 calendar-gray 11 Fevral 2015 view-gray262 dəfə oxunub
view-gray262 dəfə oxunub

Tamaşaçının Elgiz saxtakarlığı

Kimi dindirirsən, yerli televiziyalardan narazıdır. Hətta TV-də çalışanların özü də giley-güzar edir. Bütün narazılıqların başında isə “ağlaşma” və şou verilişləri dayanır. Hamı deyir ki, bu layihələr faydasızdır, zərərlidir, bağlanmalıdır və s.

Tamam, deyək ki, bu verilişləri bağladılar. “Ağlaşma” və şounu yığışdırıb, əvəzinə elmdən, iqtisadiyyatdan, canım sizə desin, təhsildən layihələr hazırladılar. Özü də müğənnisiz-manıssız, dınqır-çıqqır olmadan. “Ağlaşmadan” təhsilə keçid sizi qane edəcəkmi? İndi də TV-lərdə bir-iki ciddi layihə var. Ağıllı adamları dəvət edib, müzakirələr aparırlar. Baxırsınızmı? Sizi anlamaq gerçəkdən çətindir. İzləmədiyiniz verilişləri niyə tələb edirsiniz?

Fərz edək ki, televizorun qarşısında əyləşibsiniz və pultla kanalları “dolaşırsınız”. Səhiyyə ilə bağlı ciddi müzakirəni izləyəcəksiniz, yoxsa Elgizin, ya Zaurun verilişini? Səmimi olaq. Hələ qonaq Maral Tahirqızıdırsa, gözünüzü ekrandan çəkmirsiniz. Qadın ağzına gələni danışır, aparıcı da onu ələ salır, siz də qəşş edib baxırsınız.

O zaman nəyinizə lazım ciddi verilişlər? Özünüz şou istəyirsinizsə, TV-ləri qınamayın. Bəyənmədiyiniz proqramların aparıcılarını da söyməyin. Onlar sizin istəyiniz kimi çalışırlar. Manıslardan ötrü də ürəkləri getmir. Görürlər ki, Telli Borçalı gələndə reytinq artır, yəni daha çox izləyirsiniz, yazıq aparıcı gələn dəfə də yenə bu xanımı dəvət edir. Təki sizin ürəyinizcə olsun. İnsafsızlıq etməyin, əllərindən gələni edirlər. Biri şpaqat açır, o biri qaçan gəlinləri tapır, digəri efirdə yengəlik edir və s.

Kanalların birində səhər proqramını hazırlayan həmkarımla bu haqda danışdıq. Dedi ki, hansı gün sosioloq çağırıb, önəmli bir problemi müzakirə ediriksə, tamaşaçı narazı qalıb qaçır, reytinq düşür. Məcburən növbəti gün qalmaqallı müğənni dəvət edirik, o da gəlib bir ağız oxuyur, tamaşaçı geri dönür, reytinq qalxır.

Yaranan vəziyyət son illərin problemi deyil. Xeyli müddət əvvəl Avropa Şurasının təsdiqlədiyi bir TV layihə hazırlayırdıq. İnsan haqlarına dair faydalı məsləhətlər və söhbətlər idi. Hansı kanala göndərdiksə, eyni cavabı eşitdik: "Önəmi müzakirədir, amma tamaşaçı bəyənməyəcək, müğənni, qalmaqalla "bəzəmək" lazımdır". Biz də belə edə bilərdik, amma o zaman da xarici təşkilat bu "bəzəyi" anlamaz və qəbul etməzdi.

Şou aparıcıları haqqında fikir yürüdəndə də diqqətli olaq. Bir ucu sizə çatır. Məsələn, Elgiz düşükdürsə, bəs onun minlərlə izləyicisi kimdir? Aparıcını “atıb-tutursunuz”, amma tamaşaçısına "səviyyəsiz" deməyə diliniz gəlmir. Çünki o kütlənin içərisində siz də varsınız. Reytinq cədvəli dilə gətirmədiyiniz etirafınızdır.

Baxın, seçim hər kəsin haqqıdır. Sizi seçiminizə görə, kimsə qınaya bilməz. Kefiniz Mikayılın şousuna baxmaq istəyirsə, buyurun. Amma lütfən, onu izləyib, sonra nifrətinizi yağdırmayın. Ciddi və səviyyəli görünməyiniz üçün şou aparıcılarını “kullanmayın”. Elgizlərin, Zaurların ağıllı veriliş hazırlamasını istəyirsinizsə, siz seçiminizi dəyişin, manısları izləməyin. TV də görəcək ki, ciddi layihələrə baxırsınız, tədricən şou efirdən yığışacaq, yerini faydalı layihələr tutacaq. Mikayıl da daha manısları deyil, alimləri dəvət edib, təhsildəki problemlərdən danışacaq. Yəni Mikayılı, Zauru dəyişmək sizdən asılıdır. İnanın ki, onlar da dəyişmək üçün sizi gözləyirlər.

Oxşar xəbərlər

Xəbər lenti

Muzeyə getməməyi ilə məzələnən xalqım, oy! – Sərdar yazır...
11:42 18 Yanvar 2021
Beyin anevrizması keçirən məşhur repçi sağaldı
11:07 18 Yanvar 2021
Axşama tamaşa var
10:30 18 Yanvar 2021
Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021