writer1

Mirmehdi Ağaoğlu

Məqalə sayı

559
clock09:15 calendar-gray 19 Noyabr 2014 view-gray703 dəfə oxunub
view-gray703 dəfə oxunub

Əziz Nesinin oğlunun Kulis.az-a müsahibəsi

Kulis.Az böyük türk yazıçısı Əziz Nesinin oğlu, jurnalist, yazıçı Əhməd Nesinlə müsahibəni təqdim edir

- Öncə “Əziz Nesin vəqfi”nin fəaliyyətindən danışaq mümkünsə...

- Vəqfdə hal-hazırda 46 şagird var. Bunlar orta təhsili bitirib universitetə hazırlaşan, magistratura təhsilinə davam edən uşaqlardır. Hər il məzunlarla yanaşı, yenidən qəbul etdiklərimiz də olur. Vəqf bir ailə evi kimidir, burda hamı qardaşdır. Vəqf hazırda böyük bir ev kimidir və oranı da öz yetirmələri idarə edir. Bizim vəqf bu qaydada davam edir. Dünyada yeganə bu cür qurumdur.

- Bir də Əziz Nesin adına nəşriyyat var.

- Bəli, Əziz Nesin adına nəşriyyat var. Əsasən onun kitablarını nəşr edirik. Uşaq kitabları yazan yazıçıları da çap edirik. Böyüklər üçün kitabların nəşrinə hələ başlanmayıb. Müəllif hüquqları almaqdansa, buna maliyyə itirməkdənsə qazancımızı vəqfin işlərinə xərcləyirik. 46 uşağın yaşaması, xərcləri o qədər də asan deyil. Ona görə, öz qazancımızı kənara xərcləmirik. Öz yağımızda qovrulmağa çalışırıq.

- Vəqfin fəaliyyəti ancaq Türkiyə çərçivəsindədir? Məsələn, beynəlxalq tədbirlər keçirirsinizmi?

- Almaniyada dərnək var. Bir neçə tədbir keçirilib. Orda da bir məktəb açılaraq Əziz Nesinin adı verilib. Bu cür tədbirlər çox nadir hallarda olur.

- Bu gün Türkiyədə Əziz Nesinə münasibət necədir? On il əvvəllə müqayisədə çoxmu dəyişiklik var?

- Çox fərq var. Biz dünyanın əksinə gedən, geriləyən bir ölkəyik. Bunu necə bacardığımızı bilmirəm. Amma bir gün dünyanı dayandırıb tərsinə fırlatmağa başlayacağıq.

- Davutoğlu “Madımak” otelinin (Sivasda Əziz Nesinə görə hücum olunaraq yandırılan otel – red.) muzey olması ilə bağlı bir açıqlama verdi.

- Oranı muzeyə çevirmək şərt deyil. Əsas şərt oranı yandıra biləcək təfəkkürdə olan insanlar yetişdirməməkdir. Tutaq ki, oranı muzeyə çevirdin, bəs Kahramanmaraşı, Sivası neyləyəcəksən? Problemlər azalmır ki! Mən haranınsa muzeyə çevrilməsinə ciddi baxmıram.

- Sizin yazdıqlarınızla Əziz Nesinin yazdıqları arasında bir bağ varmı?

- Mənim yazdıqlarım fərqlidir. Mən daha çox siyasi köşələr yazıram. Gündəlik siyasi yazılarla məşğulam. Hər il yazdığım yazıları toplayıb kitab şəklində çap etdirirəm. Peşəm jurnalistikadır.

- Bəs şeir, roman yazmırsınız?

- İki şeir kitabım nəşr olunub. Amma indi nadir hallarda şeir yazıram.

- Əziz Nesin Azərbaycanda hələ də populyardır. Dərgimizdə tez-tez onun hekayələri yayılır, maraqla oxunur. Bir vaxtlar Əziz Nesinin Azərbaycanda dostları da var idi. Hazırda münasibətlər nə yerdədir, dostluq münasibətlərini davam etdirirsinizmi?

- Onlar bura gəldikləri zaman xəbərim olanda görüşürdüm. Hazırda demək olar ki, əlaqələrimiz yoxdur.

- Çox təşəkkür edirik!

- Mən də.

REKLAM

Yazarın digər yazıları

Xəbər lenti

“Biz Kann festivalına ermənilərdən əvvəl getmişik” - Nazirlikdən açıqlama
11:01 02 İyul 2020
Kannda erməni biabırçılığı ilə bağlı Nazirliyə suallarım – Sevda Sultanova yazır...
10:37 02 İyul 2020
Dünyaca məşhur roman Azərbaycanda nəşr edildi
10:09 02 İyul 2020
Tağıyev bulağında qətl söhbəti – Ayxan Ayvazın yeni reportajı...
09:00 02 İyul 2020
Dünyanın ən böyük aforizm ustasından əzbərlənəsi 15 nümunə
21:02 01 İyul 2020
Ermitaj muzeyi açılır
18:42 01 İyul 2020
Uşaq arabasına qoşulan fil – Yazıçı Şahmar haqda esse
18:04 01 İyul 2020
"Ulduz"un iyun sayı nəşr edildi
17:12 01 İyul 2020
Röya koronavirus testindən keçib
16:29 01 İyul 2020
ABŞ Film Akademiyası təmsilçilik böhranı yaşayır
16:00 01 İyul 2020
Kinematoqrafçılar İttifaqından Kann Festivalına etiraz məktubu
15:14 01 İyul 2020
Xəyanətə görə boşanan, həkim səhvindən xərçəngə tutulan, son nəfəsdə keçmiş ərini arzulayan aktrisamız – Maraqlı faktlar
14:36 01 İyul 2020
Məşhur amerikalı aktyor vəfat etdi
13:54 01 İyul 2020
Mədəniyyət Nazirliyində yoxlamalar aparılır? - Rəsmi
13:12 01 İyul 2020
Qəpik-quruşa satılan yeni dünya - Şəhla Nihanın hekayəsi
12:38 01 İyul 2020
Yaradıcı gəncliyimizi erməniyə uduzduranlar
12:10 01 İyul 2020
Nazim Hikmətin yeni şeirləri tapıldı - Fotolar
11:34 01 İyul 2020
Əməkdar artist dünyasını dəyişdi
11:08 01 İyul 2020
Bakıya qarşı əyalət nankorluğu
10:51 01 İyul 2020
Bakıda İnstaqram-jurnal fəaliyyətə başladı – İlk dəfə
10:11 01 İyul 2020