Hamilə su pərisinin naləsi

Hamilə su pərisinin naləsi
10 oktyabr 2014
# 09:10

Mahir Orucov

həyatın bizi
yolduğu kimi
yolunan
çobanyastığının ləçəklərinin
ahına, səsinə,
suda boğulan
hamilə su pərisinin
naləsinə,
barmaqlarının ağrısından
dayana bilməyən
rəssamın axan

göz yaşlarının rəngsizliyinə,
dar ağacından asılan
məhkuma dayaq olan
ağacın çarəsizliyinə....
və nəhayət,
günahsızlığını
sübut edə bilməyən
bir qadının daşlanmasına
qarşı olan
daşın dəyərsizliyinə
səksənirəm mən.

# 890 dəfə oxunub

Oxşar xəbərlər

# # #