writer1

Vüsalə Məmmədova

Məqalə sayı

51
clock11:31 calendar-gray 01 Oktyabr 2014 view-gray2578 dəfə oxunub
view-gray2578 dəfə oxunub

Dərmanınızı vaxtında için

(1 oktyabr Beynəlxalq Ahıllar günüdür)

Həyatımızın olan və qalan ən böyük dəyəri, ən nadir varlığısınız!

İnanın ki, sözlərimdə pafosdan-mübaliğədən zərrə qədər qatqı-filan yoxdur.

Hətta bayramınız olduğuna görə dədemirəm.

Baxın, siz zinət əşyalarınızı gizlədib toyda-bayramda üzə çıxartdığınız kimi, biz də ancaq sizinlə, sizin işığınızın kölgəsində parlayıb adam içinə çıxa bilirik. Sizin qızılınız var idi, bizimsə qiymətli xəzinəmiz SİZSİNİZ!

Qalan günləri isə aramsız qaçaqaçdayıq – evdən işə, işdən o biri işə, o biri işdən görüşə, görüşdən tədbirə, tədbirdən evə və ən sonda məlum olur ki, hələ hər şey yarımçıqdı və yenidən gün boyu bitirə bilmədiyimiz işi tamamlamaq üçün kompüterin qabağına...

Gözümüzü üzünüzdən çəkirik... Başımızı virtual aləmdən qaldırmadığımızı görəndə gözünüzü üzümüzdən çəkirsiniz...

Uzaqlaşırıq...

Bəzən mikayıllar, zaurlar, elgizlər sizə bizdən yaxşı qulaq yoldaşı olur. Onların səsini bizdən çox eşidirsiniz... Bağışlayın...

Sizə arzuladığınız, arzuladığımız həyatı yaşada bilmədik... Başımız qarışdı... Baş qarışmağın nə demək olduğunu bilirsiniz. Bizi böyüdəndə başınız elə qarışıq idi ki, özünüzə belə vaxt ayıra bilmədiniz. Bir də gördünüz böyümüşük, öz həyatımız, dostlarımız, əyləncələrimiz var... Sizinsə geridə qoyub gəldiyiniz böyük bir boşluq, yaşanmamış günlər, aylar, illər...

İndi oturub ayın sonunu, təqaüdünüzü gözləyirsiniz...

O təqaüdü ki, heç dərmanlarınıza çatmır... Onunla nə istirahətə gedə bilərsiniz, nə gəzməyə... Bütün yaşıdlarınız kimi, sizin üçün nəzərdə tutulan əyləncə növü ancaq yüngül televiziya şoularının tamaşaçısı olmaqdır...

Halbuki, siz bizim səadətimizə tamaşa etməliydiniz... Əlimizdən gəlmədi... Buna görə bacarsanız, bizi bağışlayın...

Siz bizi işıqlı gələcək üçün böyütdünüz, biz sizi yüngül şouların qəhrəmanı elədik...

Biz yaxşı övlad ola bilmədik. Bəlkə ümidlərinizi doğrulda bilmədik, bəlkə haqqımızda başqa arzularınız, planlarınız, gözləntiləriniz var idi, həyata keçirə bilmədik... Amma bilin ki, biz cəhd elədik.

Sizi xoşbəxt eləmək, xoşbəxt olmaq üçün çox çalışdıq. Düzdür, sizin bundan xəbəriniz olmadı, gözünüzdə bivec görünürdük bəlkə, amma həmin vaxtlarda biz xoşbəxtliyin yollarını axtarırdıq...

Bilmədinizsə, ancaq ona görə ki, səadətə tərəf qaçanda yıxılıb əzildiyimizdən xəbəriniz olmasın, yaralarımızı görməyəsiniz, bizimlə bir yerdə əzab çəkməyəsiniz. Sizə nəticəni təqdim etmək istəyirdik... Sadəcə, alınmadı...

Gənclik çılğınlığı ilə ürəyinizi çox qırdıq, amma indi yaşın elə bir dövrünə gəlib çıxmışıq ki, xoşbəxtliyi uzaqda axtardığımızı başa düşmüşük. İndi bizim səadətimizin ancaq bir formulu var:

Əlimizi buraxmayın ki, yıxılmayaq,

Yanımızda olun ki, qürurlu görünək,

Dərmanınızı vaxtında için ki, xəstələnməyək,

Səhhətinizi qoruyun ki, ağrımayaq...

P.S. İdman zalında 60 yaşlarında bir qadını zövqlə müşahidə edirəm. Ən çətin hərəkətləri belə özünə ruh verərək yerinə yetirir: Sənin övladlarına sağlam ana, qardaşın uşaqlarına sağlam bibi, bacın uşaqlarına sağlam xala lazımdır!

REKLAM

Yazarın digər yazıları

Xəbər lenti

Məşhur meyxanaçı: "O işlə təkcə meyxanaçılar məşğul deyil ki" - Video
17:01 19 Sentyabr 2020
Rejissormuzun filmi Beynəlxalq Turizm Filmlər Festivalının qalibi oldu
15:51 19 Sentyabr 2020
Bitlz qrupu haqqında kitab çap olundu
14:41 19 Sentyabr 2020
Mənə möcüzə kimi görünən ədəbi hadisə - Elçin yazır...
13:30 19 Sentyabr 2020
Dörd min ildi dustağam - Adil Şirinin şeirləri
12:20 19 Sentyabr 2020
Dovlatovun heç yerdə çap olunmamış şeiri sərgiləndi
11:05 19 Sentyabr 2020
Respublika Uşaq kitabxanası yeni layihəsinin ilk mövzusunu Milli Musiqi Gününə həsr edib
09:59 19 Sentyabr 2020
Mətbəxdə cazibəsini itirən qadının dramı
09:00 19 Sentyabr 2020
Üzeyir Hacıbəyovun felyetonu: “Cin”
21:01 18 Sentyabr 2020
Açıq havada premyera oldu – İlk dəfə
19:01 18 Sentyabr 2020
Onlar "Ginnesin rekordlar kitabı"na daxil oldular - Fotolar
18:40 18 Sentyabr 2020
"Arşın mal alan" Bolqarıstan teatrında səhnəyə qoyuldu
18:00 18 Sentyabr 2020
Sarı camış - Kamal Abdulladan yeni hekayə
17:22 18 Sentyabr 2020
Azərbaycanın “Avroviziya-2021”də iştirakı təsdiqləndi
16:38 18 Sentyabr 2020
Üzeyir Hacıbəylinin xatirəsi anıldı
15:51 18 Sentyabr 2020
Dostunun qızıl saatını oğurlayan Vüqar, ərindən iyrənən Validə... – Səriyyə xala iş başında
15:10 18 Sentyabr 2020
“Qalatasaray”ın qələbəsinə sevinən kölə təfəkkürü – Sərdar yazır...
14:32 18 Sentyabr 2020
İntim görüntülərlə şantaj olunan qadın nə etməlidir?
13:39 18 Sentyabr 2020
Mədəniyyət Nazirliyi: "Fəxri adlara namizəd olanları müstəqil komissiya seçəcək"
13:10 18 Sentyabr 2020
Şabanın adı filmlərinin çəkildiyi küçəyə verilib
12:47 18 Sentyabr 2020