writer1

Sevda Sultanova

Məqalə sayı

860
clock11:53 calendar-gray 17 Sentyabr 2014 view-gray3804 dəfə oxunub
view-gray3804 dəfə oxunub

Ekzüperi Azərbaycan toyunda

Uzun fasilədən sonra toya getməli oldum. Çox yaxın qohumlarımdan biri evlənirdi. Ailəlikcə dəvət olunmuşduq. Mən getməkdən imtina elədim. Düşündüm ki, toya vaxtımı xərcləyincə, film izləyərəm, çiy kartof püresindən üz üçün kompres hazırlayaram, çobanyastığı vannası qəbul edərəm və sair.

Bəyin anası zəng edib dedi ki, əgər toya gəlməsən üzünə baxmaram (çox lazımmış! ), səni qohumluqdan silərəm (buna sevinərdim əslində!). Nəsə, məni azərbaycansayağı hədələdi. Guya, olmasam toy baş tutmayacaqdı. Evdə də psixoloji hücumlara məruz qaldım, öyüd-nəsihət verdilər. Daha çox axşam evdə tək qalmaq və qaranlıq fobiyam olduğundan getdim, yanıma kitab da aldım ki, darıxsam, hollda oxuyaram.

Toya getdim, bir az yedim, bir az oynayanlara baxdım, üzümdə növbətçi təbəssüm sevmədiyim qohumlarımla görüşdük, öpüşdük. Və darıxmağa başladım. Sonra səs-küydən başım ağrıdı. Məni ağlamaq tutmuşdu. Səbirsizliklə toyun bitməsini gözləyirdim. Toyun sahibindən tez-tez məclisin nə vaxt bitəcəyini soruşurdum. Birdən işıqlar söndü, milli geyimli oğlan və qız əllərində plov məclisə rəqs edərək daxil oldular, sonra tavandan şarlar yerdə düşdü... Bu, mənə kreativ göründü. Fikrimi yanımda oturan qohumuma deyəndə, o, laqeydliklə üzümə baxdı:

- Neçə ildir var bu. Sən getmirsən, xəbərin yoxdur...

...Ümumiyyətlə, toylara nadir hallarda gedirəm.

Toylarda fiziki və mənəvi baxımdan yoruluram.

Yox, oynayıb eləmirəm. Eləcə otururam, süfrədə olanlardan yeyirəm, içirəm, eyni tərzdə, monoton oynayan, rəqs zamanı ciddi görkəm alan adamlara baxmaqdan yoruluram.

Bərbad akustika səbəbindən qulaqlarım ağrıyır, təzyiqim qalxır, başım hərlənir. Yanaqları qırmızı, şişman qarınlı tamadaların ağzı köpüklənə-köpüklənə klassik, müasir nimdaş şeirlər deməsindən, Dədə Qorqudla başlayıb, Koroğlu, Nigarla davam edən çıxışlarından zəhləm gedir. Xüsusən, əlinə mikrofon götürəndə özünü boğan, Milli Məclis deputatları kimi davranan qalstuklu kişilər məni lap qıcıq edir.

Toyun sonunda masalardakı əl dəyməmiş təamları, nimçələrdəki yarımçıq yeməkləri, ağzı açılmamış və ya tam içilməmiş şirələri görəndə istehlak acgözlüyümüzdən ürəyim sıxılır.

Toya pul salmaqda nə isə təhqiramiz, miskin bir şey var. Pul salmaq məndə borcla assosiasiya olunur. Çünki o adam sənin toyuna gəlib, pul salıb, sən də məcburən gedib borcunu qaytarmalısan.

Merkantillilklə assosiasiya olunur. Ürəyin istəməsə də gedirsən, çünki yaxında evində toy olacaq.

Umacaqla assosiasiya olunur. Gənc ailənin hansısa əşyalara ehtiyacı var, toydan qalacaq pula (əgər restorana borcunu ödəyə biləcəksə təbii) ehtiyaclarını qarşılamağa ümid edir.

...Qardaşımın toyuna Fransadan qonağımız da gəlmişdi. Əmim oğlu uzun müddətdir ki, Parisdə yaşayır, orda təhsil alıb, ailə qurub. İndi Bakıya, Fransada olduğu ilk illərdə ona yardım eləmiş, bələdiyyədə işləyən bir fransızla gəlmişdi. Fransızın valideynləri vəfat elədiyindən depressiyada idi. Mənəvi dəstək olmaq üçün onu Bakıya dəvət eləmişdi.

Fransız toyu maraqla seyr edir, kamerayla çəkir, təamlardan dadır, rəqs edirdi.

Danışmaq üçün ona söz verildi. Bayaqdan danışanlara qulaq asmayan zala sükut çökdü. Hətta restoran rəhbərliyi də gəlib fransızın nə deyəcəyini maraqla gözləməyə başladı.

“Hər şeydən əvvəl hamıdan üzr istəyirəm ki, bügünkü libasım toya uyğun deyil. Toya gələcəyimi nəzərə almamışdım. Toy mənim üçün xoş təsadüf oldu. İstiqanlı qarşıladığınıza görə təşəkkür edirəm. Uzun cümlələr işlətmədən az sözlə çox şey də demək olar. Mən Antuan Sent-Ekzüperidən sitat gətirmək istəyirəm. “Önəmli olan görünəndir. Amma biz gözlərimizlə yox, ürəyimizlə görürük”.

Zal onu hərarətlə alqışladı.

Bəzən düşünürəm ki, görəsən zalda neçə adam Ekzüperini tanıdı və bu fikirdən kim nə anladı?

REKLAM

Yazarın digər yazıları

Xəbər lenti

Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021
Bu da bu cür həyatdır – Elçinin hekayəsi
09:29 13 May 2021
“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
Şuşada "Xarıbülbül" festivalı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021