Qan Turalı

Telefondan saatlara, televizordan soyuduculara qədər hər şey “ağıllı” olmağa başlayıb. Hürriyet.com.tr-nin xəbərinə görə yaponlar bu dəfə ağıllı büstqalter düzəldiblər.

Yaponiyanın alt paltar istehsalçısı Ravşhourun istehsal etdiyi ağıllı büstqalter ürək döyüntüsünü ölçməklə əsl eşqi müəyyən edir. Bu lifçiyi geyən qadın qarşındakı şəxsə sevgi hissləri ilə bağlanmırsa lifçiyin bağları açılmır, eşq varsa, yəni döyüntülər lazımi səviyyəyə çatırsa büstqalter həsrətə son qoyur.

Blutuz vasitəsi ilə ağıllı telefonlarla əlaqədə olan büstqalter aldığı məlumatları telefona ötürür. Bununla da telefonda gələcək və keçmiş sevgililəri maraqlandıran xeyli məlumat da toplanır.

Xəbərin videosuna burdan baxa bilərsiz.

Replika: Əsli və Kərəmin faciə ilə bitən o gecəsi aydınlığa çıxacaq.

İnanmıram keşiş o ağıllı telefona nəsə bir çarə tapa bilə...

Bustqalterin bu ağlı nəticəsində əşyanın pəl vurduğu bütün klassik eşqlər öz məntiqi sonluğuna çatacaq.

Bunlar məlum məsələlərdir, amma müasir dövrün sevmədən sevişmək trendi necə olacaq?

Ağır iş rejiminin yorduğu, eşqin tədavüldən çıxıb, həyatın monotonlaşdığı, texnologiya ilə insanların yaxınlaşıb gerçəklikdə uzaqlaşdığı, sevginin günü-gündən tükəndiyi bu günlərdə büstqaltermi bizi qara xala həsrət qaldığımız günlərə qaytaracaq?

• Gürcüstanın Milli Teatrı ilə memorandum imzalanıb
• Qaraqan yeni mahnısını təqdim edib
• Əgər biri səni sənin istədiyin kimi sevmirsə...- Sevgi haqqında aforizmlər