Eldəniz VƏLİYEV
- Necəsən?
- Mənim günümdə olmağını istəməzdim...
- Niyə?
- Niyə sualların ən çətini və ən çox işlədilənidir. Heç sevmədim onu
- Niyə?
- Nə niyə?
- Bəlkə izah edəsən.
- İzahdan qorxuram.
- Niyə?
- Çünki gözündə qalxmaqdan və ya düşməkdən qorxuram.
- Ən çox hansından qorxursan?
- Qalxmaqdan...
- Düşməyi başa düşdüm, qalxmaqdan niyə?
- Hündürlükdən qorxuram.
- Niyə?
- Düşəndə çox ağrıdır...
- Demək ağrılardan qorxursan, mənsə düşünürdüm ki..... Bilmirəm niyə?
- Haqlısan, qorxuram ki əlim sənə çatmaya...
- Nyə?
- Çünki sən zirvəsən!
- Deməli mən xoşbəxtəm...
- Niyə?
- Dedin axı mən zirvəyəm.
- Onda mən səndən də qorxuram...
- Niyə?
- Düşsən ağrılarına dözə bilmərəm.
- Deməli özündən qorxursan, mənə olacaqlardan yox, niyə?
- Çünki sən mənsən!
- Onda gəl düşək.
- Yenə qorxuram.
- Sən qorxaqsan?
- Hərdən mənədə elə gəlir.
- Onda səni çox sevirəm...
- Niyə?
- Nə niyə?
- Axı insanlar qorxaqları yox qəhrəmanları sevir.
- Kim deyir ki sən qorxaqsan?
- Mən.
- Sən kimsən?
- Deyəsən sən...
- Mən qorxaq deyiləm.
- Onda məndə.
- Gəl qalxaq.
- Gəl.
-Gözümüzü açmayaq…
- Niyə?
-Ayılan kimi sən sən olacaqsan, məndə mən…
-Niyə?
-Artıq ayıldın…Təəssüf…
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
