Yol polisi ilə şortik davası

Yol polisi ilə şortik davası
21 sentyabr 2020
# 10:30

Dövlət Yol Polisi əməkdaşnın şortik açıqlaması neçə gündür gündəmimizi məşğul edir.

Yadınıza gələr yəqin, bir neçə il əvvəl Bakı metrosunda görünməmiş hadisə baş verdi. Zarafat edirəm, Bakıda bu cür hadisələr hər gün baş verir, sadəcə o gün baş verən hadisə sakinlərimizin biri tərəfindən lentə alındığından ölkənin gündəminə çevrilmişdi. Qızı şortik geyindiyinə görə, əvvəl bir oğlan, sonra bir qadın dalana dirəmişdi, qız da coşmuş, demişdi ki, yaxşı eləyirəm, sizə nə var?!

Bu hadisənin bənzəri zaman-zaman təkrarlandı, qadının geyimi tez-tez mövzuya çevrildi, biri dedi, qadın geyiminə fikir versin, o biri dedi, sənə dəxli yoxdur, başqa biri də dedi, camaatın anası-bacısı var.

Uzun müddətdən sonra Azərbaycanda ilk dəfə qadına yox, kişiyə qadağa qoyuldu. Şortiklə "prava" almağa gələ bilməzsən! Bununla da illərdir, geyim üstündə mübarizə aparan xanımlar qələbə qazandı. Əvvəl qadına qadağan olunan şey, indi kişiyə olundu. Bizim müzakirə etməyə söhbət axtaran Facebook əhlinin də əlinə fürsət düşdü, hərə bir tərəfdən yumorunu sınaqdan çıxardı.

"Kişilərə tövsiyə olunur ki, dövlət qurumlarına uyğun geyimdə gəlsinlər" - açıqlamanın əsas segah vuran yeri burasıdır. Kişi gəlməli deyil. Oldu. Bəs qadın? Axı dress-kodd hamı üçün keçərlidir. Niyə seksist davranırsınız? İndi qadın durub şortikdə gedəcək, mən kostyumda? Bu, nə ədalət oldu? Qayda vətəndaşlar üçün olur. Vətəndaşın da qadını, kişisi yoxdur.

Mentalitetin dövlət qurumlarına nə aiddiyyatı? Dövlət qurumlarına giriş xüsusi geyimdə olmalıdır. Amma bizim problemimiz geyimdə deyil ki. Geyimi düzəldib gələcəyik, hər şey düzələcəkmi? Dövlət orqanlarında şəffaflıq olacaqmı?

Bax, söhbət məğzi burdadır, naçalnik!

# 6055 dəfə oxunub

Oxşar xəbərlər

Bu “silikonlu Harvard məzunu”nu niyə TV-lərə buraxırlar?!

Bu “silikonlu Harvard məzunu”nu niyə TV-lərə buraxırlar?!

11:15 1 aprel 2025
Adam öz ölkəsinin millisinin uduzmasına gülməməlidir

Adam öz ölkəsinin millisinin uduzmasına gülməməlidir

13:26 26 mart 2025
İndiki şeirimizdə uğultu var

İndiki şeirimizdə uğultu var

12:40 22 mart 2025
Azərbaycanlılar heç vaxt müsəlman olmayıb

Azərbaycanlılar heç vaxt müsəlman olmayıb

10:00 21 mart 2025
Qələbəmizi urvatdan salan qazilər

Qələbəmizi urvatdan salan qazilər

15:00 11 mart 2025
Qənirə Paşayevanın övladları var, qoy hamı bilsin

Qənirə Paşayevanın övladları var, qoy hamı bilsin

15:49 7 mart 2025
# # #