Günəşli yatağındakı 10 nömrəli platformada baş verən faciəvi qəza dənizdə baş verən ilk faciə deyil.
Kulisin məlumatına görə Neft Daşlarında fontan vuran ilk quyu Sosialist Əməyi Qəhrəmanı Mixal Kaveroçkinin adı ilə bağlıdır. Bu hadisə 1949-cu ilin 7 noyabrında baş vermişdi.
1957-ci ilin 21 noyabrında Neft Daşlarında baş verən faciə də Kaveroçkin və briqadasının ölümü ilə nəticələndi.
Faciənin baş verməsinin əsas səbəbi hava şəraiti idi. Həmin gün Neft Daşlarında saniyədə 44 metr sürətlə əsən külək 13 metr hündürlüyündə qasırğa yaratmışdı.
Nəticədə dəniz özülü qasırğanın gücünə tab gətirməyərək dağıldı.
Hadisə nəticəsində "Neft daşları" Neft və Qaz Çıxarma İdarəsinin əməkdaşları – Neft Daşlarının əsasını qoyanlardan Kaveroçkinin və Süleyman Bağırovun rəhbərlik etdiyi 2 qazma briqadasının 21 üzvü faciəli şəkildə həlak oldu.
Əksəriyyəti gənc olan neftçilərin meyitlərini tapmaq mümkün olmadı.
Hər il noyabr ayının 21-ində onların batdığı yerə 21 dəstə qızılgül atmaqla qəhrəman neftçilərin xatirəsi yad edilir.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
