Qara Qarayevin 100 illiyinə həsr olunmuş konsert - Amerikada

Qara Qarayevin 100 illiyinə həsr olunmuş konsert - Amerikada
16 fevral 2018
# 09:37

ABŞ-ın Texas ştatının Denton şəhərindəki Şimali Texas Universitetinin və Azərbaycan-Amerika Musiqi Fondunun təşkilatçılığı ilə görkəmli Azərbaycan bəstəkarı Qara Qarayevin 100 illiyinə həsr olunmuş konsert keçirilib.

Konsert əfsanəvi bəstəkarın 100 illik yubileyi münasibətilə nəzərdə tutulan proqramlar sırasında ilk böyük mədəniyyət hadisəsi olub. Şimali Texas Universiteti nəzdində fəaliyyət göstərən Musiqi Kollecinin "Voertman" salonunda keçirilən konsertdə musiqi fakültəsinin və Dallas Simfonik Orkestrinin tanınmış musiqiçiləri çıxış ediblər. Onların arasında tanınmış pianoçu Vladimir Viardo, Şimali Texas Universitetinin musiqi klaviaturalı alətləri kafedrasının rəhbəri Stiven Harlos, kontrabas üzrə regent-professor Ceff Bradetiç, vokal professoru Kerol Vilson, violonçel üzrə professor Yucin Osadçi, beynəlxalq müsabiqələr laureatı, pianoçu Anastasiya Markina, beynəlxalq aləmdə tanınmış musiqiçi Cəmilə Cavadova-Spitzberq, Dallas Simfonik Orkestrinin musiqiçiləri- skripkaçılar Filipp Fenriç, Aleksandr Snıtkin və Ənn Mari Brink, violonçel ifaçısı Ceffri Hud, doktorantlar Yuki Kumamoto və Uilyam Heyter olublar.

Qara Qarayevin yaradacılıq irsi kamera musiqisi ilə təqdim olunub və bəstəkarın məşhur fortepiano prelüdləri, skripka üçün sonata, vokal romanslar, "Don Kixot" simfonik qravüralarının transkripsiyaları, "Yeddi gözəl" və "İldırımlı yollarla" baletlərindən rəqs nömrələri təqdim edilib. Dahi bəstəkarın musiqisinin parlaq ahəngi, rəngarəng obrazlar, əsrarəngiz ritmlər və heyrətamiz çıxışlar tamaşaçılarda unudulmaz təəssüratlar yaradıb.

Qara Qarayevin yubileyinə həsr olunmuş konsert Texas KİV-ləri, o cümlədən bəstəkarın adı və musiqisini vəsf edən məqalələr yayımlayan "Dallas Morning News" və "Denton Record-Chronicle" qəzetləri tərəfindən işıqlandırılıb./azertag.az/

# 1375 dəfə oxunub

Oxşar xəbərlər

Yatmış göyərçinləri azan səsi oyatdı - Ruslan Mollayevin şeirləri

Yatmış göyərçinləri azan səsi oyatdı - Ruslan Mollayevin şeirləri

15:00 3 aprel 2025
Qəşəm Nəcəfzadə insanları belə aldadır - Nadir Yalçın

Qəşəm Nəcəfzadə insanları belə aldadır - Nadir Yalçın

15:15 1 aprel 2025
Xalq yazıçısı həyat yoldaşının əlini öpdüyünə görə kimi döymüşdü?

Xalq yazıçısı həyat yoldaşının əlini öpdüyünə görə kimi döymüşdü?

09:00 1 aprel 2025
Ayaqyalın gəzsən, ayaqların döşəməylə öpüşəcək -  Alov İnannanın şeirləri

Ayaqyalın gəzsən, ayaqların döşəməylə öpüşəcək - Alov İnannanın şeirləri

17:00 31 mart 2025
Qatı xristian, yoxsa kafir... - Kilsə onu niyə bağışlamadı?

Qatı xristian, yoxsa kafir... - Kilsə onu niyə bağışlamadı?

10:40 31 mart 2025
Mənim Azərbaycan dilim - Aydın Talıbzadə

Mənim Azərbaycan dilim - Aydın Talıbzadə

09:00 18 mart 2025
#
#
# # #