Kalmıkiya Respublikası B.Basanqov adına Milli Dram Teatrı 9-11 oktyabr tarixlərində Azərbaycan Dövlət Gənc Tamaşaçılar Teatrında səhnəyə çıxacaq. Teatrın mətbuat xidmətindən Kulisə verilən məlumata görə qonaqlar A.S.Puşkinin “Qızıl balıq” və Ə.Əmirlinin “Sevən qadın” tamaşalarını nümayiş etdirəcəklər.

Səhnələşdirəni və quruluşçu rejissoru Yelena İvanova olan “Qızıl balıq” tamaşasının quruluşçu rəssamı Saqlara Çulkayevadır. Səhnə əsərində Kalmıkiya Respublikasının Əməkdar Artisti Sandji Pursyakov, aktyorlar Marina Kikeyeva, Baatr Sandjiyev, Elza Bembeyeva iştirak edirlər.

“Sevən qadın” tamaşasının quruluşçu rejissoru Azərbaycan Dövlət Gənc Tamaşaçılar Teatrının baş rejissoru, Azərbaycan və Kalmıkiya Respublikalarının Əməkdar İncəsənət Xadimi Bəhram Osmanov, quruluşçu rəssamı Saqlar Çulkayevdır. Tamaşada Kalmık Milli Dram Teatrının aparıcı aktyorları Kalmıkiya Respublikasının Əməkdar Artisti Sandji Pursyakov, aktyorlar Marina Kikeyeva, Tanya Zarayeva, Saqlara Qoydıkova çıxış edəcəklər.

“Qızıl balıq” tamaşası oktyabr ayının 9-da saat 12:00; 14:00; 16:00-da, oktyabr ayının 10-da saat 10:00; 12:00; 14:00; 16:00; 18:00-da, oktyabrın 11-də saat 10:00; 12:00 və 14:00-da, “Sevən qadın” tamaşası oktyabr ayının 11-də saat 19:00-da nümayiş etdiriləcək.

• "Erməni qızları gecə-gündüz ona xidmət edirdilər" - Türk qətliamının pərdəarxasında kim var idi?
• Unudulmuş bir şair – Nabokovun hekayəsi
• Şəfiqə Məmmədova “İstiqlal” ordeni ilə təltif edilib - Sərəncam