Maestro Niyazi anılıb

Maestro Niyazi anılıb
3 avqust 2017
# 09:42

Dünən Xalq Artisti, Sosialist Əməyi Qəhrəmanı, Dövlət mükafatları və C.Nehru beynəlxalq mükafatı laureatı maestro Niyazinin vəfatından 33 il ötür.

Avqustun 2-də bu münasibətlə sənətkarın mənzil-muzeyində tədbir keçirilib. Əvvəlcə maestronun yaradıcılığını əks etdirən və muzeyin arxiv materialları əsasında hazırlanmış videoçarx nümayiş olunub.

Tədbirdə Azərbaycan Musiqi Mədəniyyəti Dövlət Muzeyinin direktoru, Əməkdar Mədəniyyət İşçisi Alla Bayramova Niyazinin musiqi tariximizdəki mövqeyindən, orijinal yaradıcılığından və fitri istedadından söz açıb.

Diqqətə çatdırılıb ki, Azərbaycan dirijorluq məktəbinin formalaşmasında, milli simfonizmin təşəkkülü və inkişafında maestronun böyük əməyi olub. Niyazi Azərbaycan bəstəkarlarının əsərlərinin dünyada təbliğində mühüm işlər görüb, habelə Qərb və rus bəstəkarlarının əsərlərinə eyni dərəcədə professionallıqla dirijorluq edib.

Sonra Azərbaycan Musiqi Mədəniyyəti Dövlət Muzeyinin şöbə müdiri Xanım Abdinova “Niyazi yaradıcılığında kino musiqisi” mövzusunda çıxış edib.

Tədbir çərçivəsində Üzeyir Hacıbəyli adına Bakı Musiqi Akademiyasının professoru, Əməkdar İncəsənət Xadimi, bəstəkar Ülviyyə Hacıbəyova tərəfindən maestronun əsərləri səsləndirilib.

Sonda qonaqlar Niyazinin bəstəkarı olduğu “Fətəli xan” filminə baxıblar. /azertag.az/

# 1523 dəfə oxunub

Oxşar xəbərlər

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

12:00 24 aprel 2025
Çadrasını atan ilk azərbaycanlı qadının qətli – İki əsr yaşı olan bina söküləcəkmi?

Çadrasını atan ilk azərbaycanlı qadının qətli – İki əsr yaşı olan bina söküləcəkmi?

12:20 23 aprel 2025
Mikayıl Müşfiq mühasibdən pulu necə almışdı? - Tarixin kulisi

Mikayıl Müşfiq mühasibdən pulu necə almışdı? - Tarixin kulisi

09:00 23 aprel 2025
"Karamazov yox, Qaragözov" - Dostoyevski türk əsillidir?

"Karamazov yox, Qaragözov" - Dostoyevski türk əsillidir?

14:00 22 aprel 2025
"Belə hekayələrin yazılmasına ehtiyac var" - Müzakirə

"Belə hekayələrin yazılmasına ehtiyac var" - Müzakirə

12:00 22 aprel 2025
# # #