Yağış səhərəcən yağsın şəhərə... - Günün Şeiri

Yağış səhərəcən yağsın şəhərə... - Günün Şeiri
8 avqust 2019
# 16:22

Kulis.az “Günün Şeiri” layihəsindən Qismət Rüstəmovun “Yağış səhərəcən yağsın şəhərə” şeirini təqdim edir.

Yağış səhərəcən yağsın şəhərə,

Hamının dərdini yusun aparsın.

Quşlar qonaq gəlsin mavi Xəzərə,

Balıqlar evinə yosun aparsın...

Ölüm qapımıza elə gəlsin ki,

Birini alanda, biri qayıtsın...

Uşaqların üzü elə gülsün ki,

Mərmilər utanıb geri qayıtsın.

Yağış səhərəcən yağsın şəhərə,

Titrəsin evlərin navalçaları....

Yağmur mələkləri enmişkən yerə,

Verək aparsınlar tapançaları...

Bir qızın eyvanda əlləri donsun,

Qız durub boylansın küçəyə bir də...

Çətirsiz bir oğlan islanıb dursun,

Qız gözü küçədə darıxan yerdə...

Oğlan o küçəyə çəkdikcə keşik,

Səkidə titrəyən kölgə islansın.

Asfaltdan su içən qonur bir pişik,

Çətirsiz oğlanla birgə islansın.

Bir gün hamımıza elə gəlsin ki,

Yağışlar yağırsa hər şey düzələr...

Sinoptiklər çıxıb xəbər versin ki,

Sabahdan adamlar sevinə bilər.

Yağış səhərəcən yağsın səhərə...

# 11590 dəfə oxunub

Oxşar xəbərlər

Pezeşkian Bakıda bu şeiri dedi - Video

Pezeşkian Bakıda bu şeiri dedi - Video

20:53 28 aprel 2025
"Baku Flames Beynəlxalq Yaradıcılıq və Effektivlik Festivalı" keçiriləcək

"Baku Flames Beynəlxalq Yaradıcılıq və Effektivlik Festivalı" keçiriləcək

18:30 28 aprel 2025
"The Mayhem Ball" başladı

"The Mayhem Ball" başladı

16:35 28 aprel 2025
İranla qarşılıqlı mədəniyyət günləri keçiriləcək

İranla qarşılıqlı mədəniyyət günləri keçiriləcək

16:15 28 aprel 2025
Bahəddin Həzi - 60

Bahəddin Həzi - 60

14:30 28 aprel 2025
Heydər məscidinə memarlıq abidəsi statusu verildi

Heydər məscidinə memarlıq abidəsi statusu verildi

14:15 28 aprel 2025
#
#
# # #