Pulitser mükafatının qalibləri bəlli oldu

Pulitser mükafatının qalibləri bəlli oldu
21 aprel 2015
# 10:07

Enteni Dorrun “Bizə görünməyən işıq” romanı Pulitser mükafatına layiq görülüb. Kulisin gazeta.ru saytına istinadən verdiyi məlumata görə Pulitser mükafatı hər il jurnalistka, ədəbiyyat, dram və non-fikşn sahəsindəki nailiyyətlərinə görə təqdim olunan əsərlərə verilir.

“Bizə görünməyən işıq” romanı İkinci Dünya Müharibəsi zamanı fransız qızla alman oğlanın cəhənnəmdə sağ qalmasından, bir-birinə can atmasından bəhs edir.

Dram sahəsində Stiven Andli Qircisin “Riversayd və Kreyzi arasında” pyesi qalib olub. Pyes istefa vermiş polis rəisinin öz evindən çıxarılmasından bəhs edən qara komediyadır.

Tarix sahəsində Elizabet A. Fenni “Dünyanın ürəyində görüşlər: mandan qəbiləsinin tarixi” kitabına görə mükafatlandırılıb. Kitab Dakota ştatında yaşayan mandan hindu qəbiləsi barədədir. “Bioqrafiya” kateqoriyasında mükafat isə “Papa və Mussolini: XI Pinin sirli tarixi və Avropada faşizmin oyanışı” işinə görə Devid Ketserə təqdim olunub. Yazıda hər iki şəxsiyyətin həyatı tədqiq olunub. Müəllif öz yazısında bu yaxınlarda açılan Vatikan arxivindəki sənədlərdən istifadə edib.

Şairlər arasında Qeorqi Padlo dörd poeziya toplusuna görə mükafatlandırılıb. Jürinin fikrincə, kitablarda “XXI əsr insanının təmiz və bütöv fikirləri, səsi “ eşidilir.

Jurnalistika üzrə mükafat isə “Cəmiyyət uğrunda xidmətlərinə görə” kateqoriyasında “The Post and Courierre” qəzetinə (Cənubi Karolina, Çarlston), “Ölüm bizi ayırana qədər” məqaləsinə görə verilib. Məqalə bu ştatda qadınların zorakılıqla öldürülməsindən bəhs edir.

Mükafatların təqdim olunması Kolumbiya Universitetində baş tutub. Cəmi 21 nominasiya üzrə qaliblər seçilib.

# 1304 dəfə oxunub

Oxşar xəbərlər

Əməkdar artistə yüksək rütbə verildi

Əməkdar artistə yüksək rütbə verildi

16:00 31 mart 2025
Poeziya və şeir - Oktavio Paz

Poeziya və şeir - Oktavio Paz

15:30 31 mart 2025
Cabbar Qaryağdıoğlu kimdir?

Cabbar Qaryağdıoğlu kimdir?

15:07 31 mart 2025
"Erməni qızları gecə-gündüz ona xidmət edirdilər" - Türk qətliamının pərdəarxasında kim var idi?

"Erməni qızları gecə-gündüz ona xidmət edirdilər" - Türk qətliamının pərdəarxasında kim var idi?

14:05 31 mart 2025
"Feysbuk qəhrəmanına fikir verməyin" - Yalçın İslamzadə

"Feysbuk qəhrəmanına fikir verməyin" - Yalçın İslamzadə

13:17 31 mart 2025
Rejissoru məhkəməyə verdi - Səbəb

Rejissoru məhkəməyə verdi - Səbəb

12:20 31 mart 2025
# # #