Azərbaycan Yaradıcılıq Fondunun nəzdində “İntellektuallar klubu”nun təsis edilməsi və “Gəlinciklər sərgisinin” nümayişi ilə bağlı tədbir keçirilib.

Tədbiri giriş sözüylə açan Azərbaycan Yaradıcılıq Fondunun sədrinin birinci müavini əməkdar mədəniyyət işçisi Rafiq Kaşanlı fondun bir çox uğurlu layihələrə imza atdığını iştirakçıların diqqətinə çatdıraraq əlavə edib ki, fondun nəzdində “İntellektuallar klubu”nun yaradılması zərurətdən irəli gəlir: «Bu klubun uzvləri dövlətimizin və dövlətçiliyin inkişafı üçün öz bacarıq və imkanlarını cəmiyyətlə, xüsusilə gənclərlə bölüşməyə hazırdırlar. Müasir dövrdə cəmiyyətdə , ələlxüsus gənclər arasında tolerantlığa, birgəyaşama, başqasının inancına, dininə, irqinə hörməti təbliğ və təşviq etmək təkcə rəsmi qurumların işi olmamalıdır. Müəyyən həyat təcrübəsinə və biliyə malik intellektual kəsimin də bu işdə dövlətimizə yardımçı olması vacibdir. Bu klubun da yaradılmasında məqsəd budur».

Sonra çıxış edənlər Rafiq Kaşanlının sözlərilə tam razı olduqlarını bildiriblər.

Tədbir iştirakçılarının yekdil razılığı ilə tarixçi alim Tahir Behbudov “İntellektuallar klubu”nun sədri seçilib.

Gündəlikdə duran ikinci məsələ ətrafında Fərəh xanım Əliyeva tədbir iştirakçılarına məlumat verib. Fərəh Əliyeva “Gəlincik” tətbiqi sənətinin tarixindən ta bu günümüzə qədər keçdiyi mərhələlər haqqında tədbir iştirakçılarına “Master Klass” keçib. Tədbirin sonunda Fərəh Əliyevanın əl işləri olan biri-birindən gözəl gəlinciklərin sərgisi nümayiş etdirilib.

• Bəstəkarlar İttifaqının 90 illiyi münasibətilə konsert proqramı
• "Titanik"in kapitanının cib saatı rekord qiymətə satıldı
• "REZİDENS de MAREŞO"da - Sabir Əhmədlinin hekayəsi