Bakı metrosunun "İçərişəhər" stansiyasının vestibülündə sərnişinlər üçün Latın Amerikası xalqlarının musiqi nömrələrindən ibarət konsert təşkil edilib.

"Bakı Metropoliteni" QSC-dən bildirilib ki, braziliyalı Teo və Daniel Kansello qardaşları ilə Azərbaycan Kapoeyra Federasiyasının yığma komandasının iştirak etdiyi konsert tamaşaçılar tərəfindən böyük maraqla qarşılanıb. Latın musiqi incilərinin saksafon və fleytada Daniel, sintizatorda Teo tərəfindən ifası sərnişinlərdə əsl bayram ovqatı yaradıb.

Braziliyalı ifaçı qardaşlar konsertin məhz şəhərin ən kütləvi sərnişindaşıma növü olan metropolitendə keçirilməsini əhəmiyyətli hadisə adlandırıblar. Qədim və müasirliyin vəhdəti olan paytaxtımızı çox sevən Kansello qardaşları gələcəkdə bu tədbirlərin miqyasını genişləndirəcəklərini də vurğulayıblar.

• Qubaya film çəkilişinə gedən heyət qəzaya uğradı - Ölən və yaralanan var
• "Qaragözlər və göygözlər" - İmarət Cəlilqızının hekayəsi
• Cahangir Zeynal Novruzov: "Türkiyədəkilərin meneceri var, buradakılar “yetim” kimi gedirlər" - Videomüsahibə

Azərbaycan Kapoeyra Federasiyasının prezidenti, kapoeyra üzrə 4 qat Azərbaycan çempionu, dünya ikincisi, ilk beynəlxalq dərəcəli hakim Nahid Ağazadə konsertdə öz yığma komandası ilə çıxış edib.

Qeyd edək ki, festival iyunun 9-dək Latın Amerikası mədəniyyətini və ənənələrini təşviq və təbliğ etmək məqsədilə region ölkələrinin Azərbaycandakı diplomatik nümayəndəliklərinin birgə səyi ilə keçirilir. Festival çərçivəsində canlı konsertlər, rəqslər, milli mətbəx, mədəniyyət, incəsənət və sair tədbirlərinin keçirilməsi də nəzərdə tutulub. /azertag.az/

• Qubaya film çəkilişinə gedən heyət qəzaya uğradı - Ölən və yaralanan var
• "Qaragözlər və göygözlər" - İmarət Cəlilqızının hekayəsi
• Cahangir Zeynal Novruzov: "Türkiyədəkilərin meneceri var, buradakılar “yetim” kimi gedirlər" - Videomüsahibə