İki kitab təqdim olundu

İki kitab təqdim olundu
10 oktyabr 2017
# 16:44

Oktyabrın 10-da Azərbaycan Yazıçılar Birliyinin (AYB) “Natəvan” klubunda AYB-nin üzvü, “Cabir Novruz” Mədəniyyət Fondunun vitse-prezidenti Nəcməddin Mürvətovun “Şur” nəşriyyatında çap olunan “Dünyamızın zərrəsiyəm” və “Şairdə sirr olmur” şeir kitablarının “imza günü” keçirilib.

Tədbir Cabir Novruzun “Sağlığında qiymət verin insanlara” şeirinin səslənməsi ilə başlayıb.

“Cabir Novruz” Mədəniyyət Fondunun təşkilatçılığı ilə keçirilən tədbirdə “Kredo” qəzetinin baş redaktoru Əli Rza Xələfli çıxış edərək şairin yaradıcılığı və yeni nəşr olunan kitabları haqqında məlumat verib.

Şairlər Zahid Xəlil, Musa Ələkbərli, filologiya elmləri doktorları Vaqif Yusifli, Qurban Bayramov və başqaları şeirləri ardıcıl olaraq respublikanın ədəbi qəzet və jurnallarında, almanaxlarda çap olunan şairi növbəti kitablarının işıq üzü görməsi münasibətilə təbrik edib, ona yaradıcılıq uğurları arzulayıblar.

Çıxış edənlər “İlk sözüm”, “Etiraf”, “Dünyamıza sözüm var”, “Həqiqət axtarıram”, “Yaxşılar azalmasın”, ”İnam zəfərə aparır” və digər kitablarının müəllifinin son iki nəşrdə da şeirin bütün formalarında layiqli ədəbi nümunələr yaratdığını söyləyiblər.

“Dünyamızın zərrəsiyəm” və “Şairdə sirr olmur” kitablarında toplanmış şeirlərdə özünəməxsus azadlığın, lirik düşüncənin, xoşagələn ifadə vasitələrinin yerli-yerində işlədildiyini bildiriblər.

Tədbirdə çıxış edən şair, publisist Müşviq Cabiroğlu respublikamızda şairlərə, sənət adamlarına göstərdiyi diqqət və qayğıya görə ölkə başçısına minnətdarlığını bildirib. Regionlarda yaşayan şairlərin yaradıcılığına yüksək dəyər verildiyini, onların yaradıcılığına yüksək qayğı ilə yanaşıldığını söyləyib.

Tədbirdə şairin şeirləri oxunub.

Sonda Siyəzəndə yaşayıb-yaradan Nəcməddin Mürvətov tədbirin təşkilatçılarına təşəkkürünü bildirib, imzası ilə kitablarını oxuculara təqdim edib. /azertag.az/

# 1222 dəfə oxunub

Oxşar xəbərlər

3 yaşlı qardaşını 6 yaşlı qardaşına tapşırdı - KimsəBizlər

3 yaşlı qardaşını 6 yaşlı qardaşına tapşırdı - KimsəBizlər

16:28 26 aprel 2025
Əli Mirəliyev reanimasiyaya yerləşdirildi

Əli Mirəliyev reanimasiyaya yerləşdirildi

14:34 26 aprel 2025
Napoleonun şəxsi qılıncı hərraca çıxarıldı - FOTO

Napoleonun şəxsi qılıncı hərraca çıxarıldı - FOTO

13:00 26 aprel 2025
Britaniya şahzadəsini zorlamada ittiham edən qadın özünü öldürdü

Britaniya şahzadəsini zorlamada ittiham edən qadın özünü öldürdü

11:41 26 aprel 2025
Azərbaycanlıları öldürən m*rc oyunları – Bu “killeri” kimlər göndərib?

Azərbaycanlıları öldürən m*rc oyunları – Bu “killeri” kimlər göndərib?

11:00 26 aprel 2025
Azərbaycan milli mətbuatının 150 illik yubileyi keçiriləcək - Sərəncam

Azərbaycan milli mətbuatının 150 illik yubileyi keçiriləcək - Sərəncam

17:49 25 aprel 2025
# # #