Yeni tapılan sənəd "Turin kəfəni"nin İsa Məsihin qəbir örtüyü olmadığına dair ən qədim və inandırıcı sübutları ortaya qoyur.

Kulis.az xəbər verir ki, bu sənəd 14-cü əsrə aid olub, uzun müddət müqəddəs sayılan kəfənin saxta olduğunu göstərən ən erkən yazılı dəlildir.

Daha əvvəl bu mövzuda ən qədim açıqlama 1389-cu ildə Troyes piskoposu Pierre d’Arcis tərəfindən verilmişdi.

Yeni sənəddə isə məşhur Fransız ilahiyyatçı Nikola Oresmenin 12-ci əsrin ortalarında “din adamları”nın camaatı aldatmaq üçün belə uydurmalar etdiyini vurğuladığı qeyd olunur.

Oresme yazırdı ki, kilsələr ianə yığmaq üçün saxta möcüzələr göstərir və İsa Məsihin kəfəni ilə bağlı hekayələr bir çox yerdə təkrarlanır.

Bu araşdırmanın əsas müəllifi, Belçika Katolik Universitetinin tarixçisi Dr. Nikola Sarzo bildirib ki, Oresme fenomenlərə dini deyil, rasional yanaşma gətirərək, bu mövzuda yeni və əhatəli sübutlar təqdim edir.

"Turin kəfəni"nin həqiqiliyi uzun illərdir həm inananlar, həm də skeptiklər arasında müzakirə mövzusudur.

Qeyd edək ki, yeni sənəd bu müzakirələrə mühüm dəlil əlavə edir və kəfənin saxta olduğunu göstərən ən qədim etirazlardan birini ortaya qoyur.

• Biz qəflət toruna düşmüş bir quşuq... - Ömər Xəyyamın rübailəri
• “Heydər Əliyev və Azərbaycan Ədliyyəsi” kitabının təqdimatı keçirildi
• Unudulmuş Nobel mükafatçısı - O, reenkarnasiya haqqında hansı şah əsəri yazıb?