Kulis.az Aynur Qurbanqızının "Fenomenlər, yoxsa seks xidməti göstərənlər?" yazısını təqdim edir..

Demək, yeni xəbər çıxıb ki, tiktok fenomenini (ad yazmayacam) iş adamı villasında alçaldıb, təhqir edib, sonra qovub.

Və “fenomen” də iş adamı ilə pul qarşılığında görüşüb.

Yəni tanımadığı şəxsdir, görüşmə qarşılığında 2000 AZN pul təklif edib, qız razılaşıb və gedib.

Sonra da bu hadisə yaşanıb.

Hadisə ilə bağlı da müxtəlif insanlar status (mən də facebookda oxudum bildim) açıb ki, bəs, nə olsun ki, pulla görüşmüsən, nə olsun ki, pullu adamsan, qızı alçaltmaq olmaz-filan….

Nə isə, mənim toxunmaq istədiyim mövzu nədir.

Sosial şəbəkədə bəh-bəhlə bu cür qızları “fenomen” deyib təqdim etmələri, ümumiyyətlə, qızın şəkillərini də boy-boy düzüb bu hadisəni xəbər etmələri….

Əvvəl seks xidməti göstərənlər barda-filan olardı, indi sosial şəbəkədə bədənlərini oynadaraq özlərini reklam edib müştəri qazanırlar.

Bunu da anladıq, xidmət növüdür, öz şəxsi işləridir özləri bilər.

Anlamadığım belə xidmət üçün əzilib-büzülən qızları önəmli şəxs kimi fenomen adlandırıb bunu xəbər başlıqlarına çıxartmaq və onların “bazarlarını” daha da möhkəmləndirmək, məşhur edib digər qızların da onların şanlı həyatına baxıb həvəslənmələri…

Tiktok-da yarıçılpaq qız görənlərin kütləvi bəyənmələri, izləyici sayının 10 minlərlə olması o şəxslərin önəmli adam olmaları anlamına gəlmir.

Və hadisəyə gəlincə, əlbəttə, nə iş görməsindən asılı olmayaraq, "qadına şiddətə yox" deyirəm, amma bu “şiddət” 2000 AZN təklifin içində olunubsa, öncədən razılaşdırılıbsa?

Artıq məsuliyyət təklifi qəbul edənin üzərindədir.

Qovulmağa gəlincə, qovulmaqdan öncə elə bu təklifin özünü qəbul etmək utancvericidir.

2000 AZN mənim 3-4 aylıq maaşımdır, bu pulu bir neçə saata əldə etmək istəyən hər bir xanım yaşayacağı təhlükənin fərqində olmalı…

P.S. Ayrıca, kim olursa olsun, onun şəkillərini və adını açıq paylaşıb pulla görüşməsini də ictimai yaymaq heç etik deyil.

• "Sevgi yüksəlişin yollarından biridir..." - Onun ən böyük sirri nədədir?
• Milli Tarix Muzeyində Birinci Türkoloji Qurultayın 100 illiyinə həsr olunmuş sərgi açıldı
• "Azadlığım üçün sevgimi də fəda edərəm..." - Jan-Jak Russodan sitatlar