“Saqınbaydın manası” kitabının təqdimatı oldu

Media

Ana səhifə
Media

“Saqınbaydın manası” kitabının təqdimatı oldu

10 iyun 2023

11:36

II Türk Dünyası Ədəbiyyat və Kitab Festivalı çərçivəsində Beynəlxalq Türk Mədəniyyəti və İrsi Fondu və Beynəlxalq Türk Akademiyası ilə birgə hazırlanan "Saqımbaydın Manası" kitabının təqdimatı keçirilib.

Kulis.az xəbər verir ki, kitabın müəllifi "Manas" dastanını ən uzun səsləndirdiyinə görə Ginnesin Rekordlar Kitabına daxil olan tanınmış qırğız manasçısı Rısbay İsakovdur.

Kitabda folklorşünas alimlər arasında eposun klassik variantı sayılan Sağımbəy Orozbakovun 9 cildlik dastanının poetik variantı təsvir edilir. "Saqımbaydın Manası" kitabında müəllif eposun mənalarının şərhləri ilə yanaşı, müxtəlif arxaizmlərin və başqa dillərdən götürülmüş sözlərin izahını verir.

Kitabın təqdimatında çıxış edən Beynəlxalq Türk Mədəniyyəti və İrsi Fondunun layihə meneceri Mirbek Karıbayev qeyd edib ki, Rısbay İsakovun kitabı nəsillər arasında mövcud olan bağlılığın bariz sübutudur: “Qırğız xalqının mənəvi həyatının gözəl nümunəsi olan “Manas” eposu, dastançılıq sənətinin parlaq zirvəsi kimi bütün Türk dünyasının zəngin mədəni irsinin sərvətidir. Ona görə də, kitabın Türk dünyasının mədəni irsinin təbliği üçün yüksək qiymətə malikdir".

Beynəlxalq Türk Akademiyasının vitse-prezidenti Erhan Türbedar çıxışında qeyd edib ki, "Manas" dastanı ümumi Türk tarixini və mədəniyyətini əks etdirən, eyni zamanda türkçülük şüurunu özündə ehtiva edən bir dastandır. Eposda bütün türk boyları ümumi adla çağırılır. Bu səbəbdən "Manas" dastanı təkcə qırğızlar üçün deyil, bütün Türk dünyası və türkçülük üçün böyük əhəmiyyət kəsb edir".

Mərasim kitabın müəllifi Rısbay İsakovun ifasında "Manas" dastanından bir parçanın ifası ilə davam edib.

Tədbir tamaşaçıların və medianın böyük marağına səbəb olub.