İçərişəhərdə Uşaqların Beynəlxalq Müdafiəsi Gününə həsr olunmuş “Uşaqlar üçün İrs” mədəniyyət və yaradıcılıq festivalı başa çatıb.

Kulis.az xəbər verir ki, gün davam edən festivalda İçərişəhər ərazisində uşaqlara tarixi-mədəni irsimizi, incəsənətimizi, sənətkarlığı tanıtmaq və yaradıcılıq fəaliyyətini aşılamaq məqsədilə bir sıra tədbirlər keçirilib.

Festival çərçivəsində, ilk dəfə olaraq, Şirvanşahlar Sarayı Kompleksində muzeyin gənc ziyarətçiləri üçün XI-XX əsrlərə aid uşaqlar üçün eksponatların sərgiləndiyi “Uşaqlar üçün Tarix” ekspozisiyası nümayiş olunub. Ekspozisiyanın ən qədim artefaktı Şirvanşahlar Sarayı ərazisində tapılmış, XI-XII əsrə aid, saxsıdan hazırlanmış ördək formalı uşaq üçün nəfəsli musiqi alətidir. Sərginin ən müasir əşyası isə 1980-ci ildə Azərbaycan Oyuncaq Fabrikində hazırlanmış gəlincikdir.

“Uşaqlar üçün İrs” festivalının balaca ziyarətçilərində Tahir Salahovun “Güllər” sərgisi və Bakı Marionet Teatrında kuklalarla tanışlıq xüsusi marağa səbəb olub. Tədbir zamanı, həmçinin gənc rəssamların əsərlərinin sərgisi, sənətkarlıq üzrə ustad dərsləri, əyləncəli oyunlar, “Tıq-tıq xanım” teatr tamaşası, “Sehrli xalat” filmi, musiqili proqram və müxtəlif idman növlərinin nümayişi keçirilib.

• Stroqanovlar sülaləsinin sonuncu nümayəndəsi vəfat etdi
• "Ertəsi gün evimizi yoxlamaq üçün komissiya gəldi..." - Nazir qızının xatirələri
• Hərdən atalar belə şeylər edirlər - Ayxan Ayvaz