Müğənni Nazim Pişyari (Faytonçu) işemik insult keçirib və xəstəxanaya yerləşdirilib və hazırda xəstəxanada müalicə alır.

Kulis.az xəbər verir ki, müğənninin dostu, aparıcı Kamran Həsənli Axşam.az saytına açıqlamasında onun səhhəti haqqında danışıb.
Nazim Pişyarinin sağlamlıq durumu haqqında danışan Kamran Həsənli bildirib ki, sənətçi artıq özünə gəlib:

"Artıq ayılıb, yaxşıdır. Getdikcə durumu düzəlir. Həkimlər deyir ki, iki-üç gündən sonra evə buraxılacaq."
Nazim Pişyari xəstəxanaya yerləşdirildikdən sonra həkimlər onun beyin insultu keçirdiyini təsdiqləyiblər. İşemik insultun əlamətləri səbəbindən müğənni küçədə yıxılıb və qapalı kəllə-beyin travması alıb.

Məlumata görə, Faytonçu Nazim bir müddət əvvəl böyrək əməliyyatı da keçirib və ona böyrək köçürülməsi edilib.

Nazim Pişyarinin xəstəxanadan çıxma tarixi

Həkimlərin verdiyi məlumata görə, Nazim Pişyari insult keçirsə də, vəziyyəti stabildir və o, iki-üç gün ərzində evə buraxılacaq.

Nazim Pişyari kimdir?

Nazim Pişyari, 26 avqust 1968-ci ildə Lənkəranda anadan olub. 1988-1991-ci illərdə Üzeyir Hacıbəyov adına Azərbaycan Dövlət Konservatoriyasında fərdi qaydada vokal dərsləri alıb. 1990-cı ildən peşəkar səhnədə fəaliyyət göstərir. 1995-ci ildə "Kainat" qrupunu yaradıb, 1998-ci ildə bu qrupla Almaniyanın bir sıra şəhərlərində qastrol səfərlərində olub. Ailəlidir. Iki övladı var.

Niyə "Faytonçu Nazim" ləqəbi?

Nazim Pişyari, "Faytonçu Nazim" ləqəbi ilə də tanınır. Bu ləqəbi ona məşhur "Faytonçu" mahnısının ifasından sonra verilib. O, həmçinin "Məşədi İbad-94" filmində rol alıb.

• Volkan Konak vəfat etdi
• Nə atan, nə anan, nə sevdiyin qadın... - Malik Atilayın yeni şeirləri
• “Hal” filmi təqdim edilib