AMEA-nın Rəyasət Heyətinin həftəlik mətbu orqanı olan “Elm” qəzetinin növbəti sayı çapdan çıxıb.

Kulis.az xəbər verir ki, qəzetin ön səhifəsində “Prezident İlham Əliyev Bakı Ağ Şəhərin Mərkəzi Park Kvartalında tikinti, abadlıq işləri və Ofis binasında yaradılan şərait ilə tanış olub” başlıqlı icmal, dahi Azərbaycan şairi Məhəmməd Füzulinin 530 illiyinin qeyd edilməsi haqqında Azərbaycan Respublikası Prezidentinin Sərəncamı və AMEA-nın Tarix İnstitutunun və Arxeologiya, Etnoqrafiya və Antropologiya İnstitutunun adlarının dəyişdirilməsi haqqında Azərbaycan Respublikasının Nazirlər Kabinetinin qərarı yer alıb.

Bu sayda AMEA-nın Humanitar Elmlər Bölməsi, Naxçıvan Bölməsi, Yer Elmləri Bölməsi, Şəki Regional Elmi Mərkəzi, İctimai Elmlər Bölməsi və Gəncə Bölməsinin 2023-cü il üzrə fəaliyyətlərinə dair hesabatları, AMEA-nın Rəyasət Heyətinin iclası və “Məhəmməd Əmin Rəsulzadənin ədəbi-fəlsəfi irsi və müasirlik” mövzusunda elmi sessiya dair yazılar dərc edilib.

Həmçinin bu buraxılışda “NACE mükafatı laureatı – azərbaycanlı alim” və “Əlyazmaların mühafizəsi yüksək səviyyədə təşkil olunur” adlı məqalələr, bundan əlavə, yeni elmi nəşrlərə və digər tədbirlərə dair xəbərlər təqdim edilir.

Qəzetin rus və ingilis dili bölməsində AMEA-nın ötən həftə ərzində fəaliyyətinə dair yazılar, müsahibə, həmçinin son elmi yeniliklərə dair informasiyalar dərc olunub.

• Atası "xalq düşməni" kimi güllələnən Xalq artisti - O, kimin təkidi ilə səhnəyə çıxmışdı?
• “Dünyaşöhrətli alim Lütfi Zadə -105” adlı elektron məlumat bazası hazırlandı
• Onun nə vaxt uydurduğunu, nə vaxt gerçəyi söylədiyini anlamaq olmur... - Sual soruşmağı kim yasaqlaya bilər ki?