Çində Nizami Gəncəviyə həsr olunan jurnal dərc olundu

Nizami Gəncəvi

Nizami Gəncəvi

29 dekabr 2021
# 12:40

Pekin Xarici Dillər Universiteti (PXDU) Azərbaycan dili kafedrasının təşkilatçılığı ilə Azərbaycanın dahi şair və mütəfəkkiri Nizami Gəncəvinin 880 illik yubileyinə həsr olunan elmi jurnal çap olunub.

Kulis.az xəbər verir ki, jurnal "Nizami Gəncəvi İli" münasibətilə PXDU-nun Azərbaycan dili kafedrasının başlatdığı "Nizami irsi" layihəsi çərçivəsində işıq üzü görüb. Nəşrə universitetin Azərbaycan dili ixtisası üzrə təhsil alan çinli tələbələrin 11 işi daxil edilib. Onların beşi tədqiqat, ikisi publisistik, dördü isə tərcümələrdir.

Gənc çinli nizamişünasların sözügedən işləri Azərbaycan-Çin ədəbi münasibətlərinin inkişafına, habelə Nizami Gəncəvi irsinin Çində daha dəqiq tanıdılmasına əhəmiyyətli bir töhfədir.

"Nizami irsi" layihəsinin təşəbbüskarı və rəhbəri, həm də jurnalın baş redaktoru Pekin Xarici Dillər Universitetinin (PXDU) Azərbaycan dili kafedrasının müdiri, filologiya üzrə fəlsəfə doktoru Aqşin Əliyevdir. O, həm də Çin Sosial Elmlər Akademiyasının dəvətli alimi, “Bir kəmər, bir yol” Gənc Çinşünaslar Alyansının sədridir.

Qeyd edək ki, Şərq ədəbiyyatının əlçatmaz bir zirvəsi olan Nizami Gəncəvi, eyni zamanda öz yaradıcılığı ilə Azərbaycan-Çin ədəbi əlaqələrinin simvoluna çevrilib. Dahi şair əsərlərində Çin qızı obrazı yaratmaqla yanaşı, Çin ipəyi, çini qablar, Çin metalı, Çin silahı kimi ifadələr də işlədib.
Nizami Gəncəvinin 880 illik yubileyinə təsadüf edən 2021-ci il Prezident İlham Əliyevin müvafiq Sərəncamına uyğun olaraq, Azərbaycanda “Nizami Gəncəvi İli” elan edilib. Bundan sonra Pekin Xarici Dillər Universiteti Asiya fakültəsinin Azərbaycan dili kafedrası "Nizami Gəncəvi İli" çərçivəsində “Nizami irsi” adlı elmi-ədəbi layihənin icrasına başlayıb. Layihə çərçivəsində il ərzində Nizami Gəncəvi yaradıcılığına həsr olunmuş müxtəlif tədbirlər həyata keçirilib. Universitetin Azərbaycan dili ixtisası üzrə təhsil alan çinli tələbələri Nizami Gəncəvi yaradıcılığı ilə bağlı tədqiqat məqalələri yazıb, dahi şairin əsərlərindən hissələrin Çin dilinə tərcüməsini həyata keçiriblər. Jurnalın çapına Pekin Xarici Dillər Universiteti və Azərbaycanın Çindəki səfirliyi dəstək verib.

# 1589 dəfə oxunub

Oxşar xəbərlər

ADU-da “Payızın ortası” – Çin bayramı qeyd olunub

ADU-da “Payızın ortası” – Çin bayramı qeyd olunub

18:00 19 sentyabr 2024
Laçın şəhərində “Arşın mal alan”  filminin nümayişi baş tutacaq

Laçın şəhərində “Arşın mal alan” filminin nümayişi baş tutacaq

17:10 19 sentyabr 2024
Qərbi Azərbaycandakı soyqırımlarından bəhs edən kitab təqdim edildi

Qərbi Azərbaycandakı soyqırımlarından bəhs edən kitab təqdim edildi

16:30 19 sentyabr 2024
Yaponiyada yaşayan ukraynalı Polina hamını təəccübləndirir – Ekstra Müsahibə

Yaponiyada yaşayan ukraynalı Polina hamını təəccübləndirir – Ekstra Müsahibə

15:41 19 sentyabr 2024
"Musiqinin gücü"  layihəsi Milli Musiqi Gününə həsr olundu

"Musiqinin gücü" layihəsi Milli Musiqi Gününə həsr olundu

15:21 19 sentyabr 2024
Antiterror əməliyyatı ilə əlaqədar virtual kitab sərgisi hazırlandı

Antiterror əməliyyatı ilə əlaqədar virtual kitab sərgisi hazırlandı

15:04 19 sentyabr 2024
# # #