Böyükağa Mirzəzadənin xatirəsi anılacaq

Böyükağa Mirzəzadə

Böyükağa Mirzəzadə

1 noyabr 2021
# 13:25

Xalq rəssamı Böyükağa Mirzəzadənin xatirəsi anılacaq

Kulis.az xəbər verir ki, Mədəniyyət Nazirliyinin dəstəyi, Azərbaycan Dövlət Rəsm Qalereyası, Muzey Mərkəzinin təşkilatçılığı ilə noyabrın 3-də Muzey Mərkəzində Azərbaycan rəssamlıq sənətinin görkəmli nümayəndəsi, Xalq rəssamı Böyükağa Mirzəzadənin xatirəsinə həsr olunmuş anım tədbiri keçiriləcək.

Tədbir Azərbaycan təsviri sənətinin inkişafına layiqli töhfələr vermiş rəssamın zəngin irsini, yaradıcılığını, həyat və sənət fəaliyyətini geniş təbliğ etmək, onun əziz xatirəsini yad etmək məqsədilə reallaşacaq.

Böyükağa Mirzəzadə çoxsaylı dəzgah rəngkarlığı, qrafika, səhnəqrafiya əsərlərinin müəllifi olub. Onun yaradıcılığına Avropa rəngkarlığının, Azərbaycan milli sənətinin ənənələri təsir göstərib.

O, Azərbaycan təbiət mənzərələrini, ölkəmizin mədəniyyətinin, incəsənətinin, musiqisinin inkişafında böyük xidmətləri olan şəxsiyyətlərin portretlərini işləyib, teatr-dekorasiya sənəti sahəsində də böyük nailiyyətlər əldə edib.

Rəssamın fəaliyyəti Azərbaycan dövlətinin daim diqqət mərkəzində olmuş və o, dövrünün yüksək orden və medalları, fəxri adları ilə təltif olunmuşdur.

Tədbirin Nazirlər Kabineti yanında Operativ Qərargahın COVID-19 pandemiyası ilə əlaqədar qəbul etdiyi karantin qaydalarına uyğun keçirilməsi planlaşdırılır.

# 2011 dəfə oxunub

Oxşar xəbərlər

Azərbaycan “Bir Ud - Çoxlu Mədəniyyət” Forumunda

Azərbaycan “Bir Ud - Çoxlu Mədəniyyət” Forumunda

13:30 28 aprel 2025
Möylə Mirzəliyev vəfat etdi

Möylə Mirzəliyev vəfat etdi

12:40 28 aprel 2025
Oskar mükafatlı aktyorun ölüm səbəbi məlum oldu

Oskar mükafatlı aktyorun ölüm səbəbi məlum oldu

12:38 28 aprel 2025
Məmməd Orucun "Köçürülmə"si - Təqdimat

Məmməd Orucun "Köçürülmə"si - Təqdimat

12:18 28 aprel 2025
Gənc musiqiçilərimiz Berlində

Gənc musiqiçilərimiz Berlində

12:10 28 aprel 2025
Barselonada 500 illik gəmi tapıldı

Barselonada 500 illik gəmi tapıldı

11:10 28 aprel 2025
#
#
# # #