Hindistanın televiziya və film xadimi, “Marwah Studiyası”nın rəhbəri Sandeep Marvah ilə “Nəriman Film Production”un rəhbəri, Əməkdar mədəniyyət işçisi Nəriman Məmmədov arasında görüş baş tutub.

Kulis.az xəbər verir ki, görüş zamanı iki ölkənin film sənayesinin inkişafı yolunda müzakirələr aparılıb, razılıq əldə olunub.

“Baş ofisi Bakıda yerləşən və dünya miqyasında bir çox filialı olan “Global Film Line” istehsalat və xidmət şirkətiyik. Bizim missiyamız Azərbaycanda və xaricdə kino çəkilişləri ictimaiyyətinə keyfiyyətli, brendləşmiş peşəkar istehsal, video və fotoqrafiya xidmətləri, etibarlı və yeni növ icarə avadanlıqları, texniki dəstək, idarəetmə dəstəyi və qüsursuz müştəri xidməti təqdim etməkdir”, - deyə Nəriman Məmmədov qonağa Production haqqında məlumat verib.

Sandeep Marvah Hindistan və Azərbaycanın kino sənayesini yaxınlaşdırmaq üçün ümumi maraqların müəyyən edilməsi və imkanların yaradılmasında işlərin mühümlüyündən bəhs edib.

Bu əməkdaşlığın hər iki ölkənin kinorejissorlarına və tamaşaçılarına fayda verəcəyi, film layihələrində qarşılıqlı dəstək ilə nəticələnəcəyi gözlənilir.

• Vətən satanları tanımaq üçün... - Allahyar Eyyuboğlu
• Yağışlı aprelin günəşli "Ulduz"u
• Xərçəng xəstəsi olan 9 yaşlı uşağın Tanrıya məktubu