Azərbaycanda onlarla jurnalist üçün məktəb olmuş APA Media Group yeni layihəyə başlayıb.

Məktəbin yaradılmasında məqsəd peşəkar, operativ, yeni media standartları ilə işləməyi bacaran jurnalist hazırlığı ilə məşğul olmaqdır.

APA Jurnalist Məktəbində 3 ay davam edəcək ilk təlimlərə qeydiyyat bu gündən başlayır. Qeydiyyat oktyabrın 30-dək davam edəcək. Qeydiyyat ödənişsizdir.

Təlimlər həftədə 3 dəfə müəyyən olunmuş proqram üzrə aparılacaq. APA Jurnalist Məktəbində ilk təlimçilər tanınmış jurnalistlər Qabil Abbasoğlu və İlqar Əlfidir.
Bundan başqa, hər həftə tanınmış jurnalistlər, blogerlər, yeni media mütəxəssisləri öz təcrübələrini təlim iştirakçıları ilə bölüşəcəklər.

Qeyd edək ki, APA Media Group Azərbaycanda online medianın ilk nümunələrini yaradan şirkətlərdəndir. Azərbaycanın onlarla tanınmış jurnalisti ilk fəaliyyətinə məhz bu şirkətdə başlayıb, yüzlərlə jurnalist bu günə qədər APA Media Groupda fəaliyyət göstərib.

Hazırda şirkətdə gənclərlə yanaşı, onlarla təcrübəli jurnalist və media mütəxəssisi çalışır. Təlimlər çərçivəsində təlim iştirakçılarına APA Media Groupda təcrübə keçmək imkanı da yaradılacaq.

CV-lərinizi aşağıdakı mail ünvanına göndərə bilərsiniz.

[email protected]

070 712 72 73

• "Bu kitab qadağan olunmalıdır!" - Psixoloq “Qurani-Kərim”i təhqir edib?
• Elməddin Cəfərov: "Cem Yılmaza gülə bilmirəm"
• Elməddin Cəfərov: "Heç vaxt qadın paltarı geyinmərəm" - Müsahibə