Kulis.az 15 İyun - Milli Qurtuluş Günü münasibəti ilə şair Elxan Zalın Ümummilli lider Heydər Əliyevə həsr etdiyi “Dədə Heydər türbəsinə el gəlir” şeirini təqdim edir.

Dədə Heydər türbəsinə el gəlir,
Yatan birdi, yatan birdi, yatan bir.
Od ölkəsi göy altında dururkən,
Bu tən birdi, bu tən birdi, bu tən bir.

Saf könüldə közərən söz ilahdı,
Tanrı özü bizə verdi bu taxtı,
Pozulmayan törəmiz var - ocaqdı,
Çatan birdi, çatan birdi, çatan bir.

• Nazir onun anasından xahiş etmişdi ki... - Vaqif Mustafazadənin ürəyini necə partlatdılar?
• Tanınmış Hollivud aktyoru vəfat edib
• Gözlənilən filmin nümayiş tarixi bəlli oldu

Xaqan getdi, türk budunu sayrudur,
Ayrılığın namazına ayrı dur,
Uyquda da demə Təbriz ayrıdır,
Vətən birdi, Vətən birdi, Vətən bir!

Ər kişiyə qucaq açdı Tanrıdağ,
Həqq evinə bircə yol var - ərsayaq.
Bir kəz qalxıb daha enməz bu bayraq,
Tutan birdi, tutan birdi, tutan bir.

Şükür olsun, bu millət var, Vətən var,
Torpaq altda saya gəlməz yatan var,
Nə qədər ki, bayrağını tutan var,
Atan birdi, atan birdi, atan bir.

• Nazir onun anasından xahiş etmişdi ki... - Vaqif Mustafazadənin ürəyini necə partlatdılar?
• Tanınmış Hollivud aktyoru vəfat edib
• Gözlənilən filmin nümayiş tarixi bəlli oldu