Bakıda özbək şairinin kitabı çap olundu

Bakıda özbək şairinin kitabı çap olundu
26 oktyabr 2020
# 10:08

Özbək şairin “Leyli ağaclar” kitabı Bakıda Azərbaycan dilində çap olunub.

Kulis.az xəbər verir ki, Özbəkistandakı Heydər Əliyev adına Azərbaycan Mədəniyyət Mərkəzinin (AMM) layihəsi ilə müasir özbək ədəbiyyatının tanınmış nümayəndəsi, “Kitab dünyası” qəzetinin baş redaktoru, şairə Xasiyyət Rüstəmin “Leyli ağaclar” adlı kitabı Bakıdakı “Avropa” nəşriyyatında Azərbaycan dilində nəfis tərtibatla işıq üzü görüb.

Əsəri özbəkcədən uyğunlaşdıranlar Afaq Şıxlı, Eluca Atalı və Şermurad Sübhandır. Nəşrdə Xasiyyət Rüstəmin həm şeirləri, həm də müxtəlif illərdə yazdığı gündəliyi öz əksini tapıb.

Nəşrə Milli Məclisin deputatı Qənirə Paşayeva, Mədəniyyət Mərkəzinin direktoru Samir Abbasov və Azərbaycan Yazıçılar Birliyi Moskva bölməsinin katibi, şairə Afaq Şıxlı “Ön söz” yazıblar. Kitabın redaktoru şair Əkbər Qoşalıdır.

Qeyd edək ki, Xasiyyət Rüstəmin əsərləri dünyanın çoxsaylı xalqlarının dillərinə tərcümə olunub. Şairin “Leyli ağaclar” adlı kitabına onun müxtəlif illərdə yazdığı şeirlərdən və “Gündəliy”indən seçmələr daxil edilib.

Xasiyyət Rustəm Azərbaycan sevdalısı və ölkəmizin yaxın dostudur. O öz yazıları ilə Azərbaycanın haqq işinə dəstək verir, Ermənistanın Azərbaycana təcavüzü və işğalçılıq siyasətinə qarşı çıxır, bu mövzuda ilk əsərini də qələmə alıb. Demək olar ki, qəzetin hər nömrəsində Azərbaycan ədəbiyyatına yer ayrılır.

AMM-dən verilən məlumata görə, gələcəkdə “Leyli ağaclar” kitabının Bakıda və Daşkənddə təqdimatlarının keçirilməsi nəzərdə tutulur.

# 1873 dəfə oxunub

Oxşar xəbərlər

Daha bir aktrisa rol aldığı serialdan qovuldu

Daha bir aktrisa rol aldığı serialdan qovuldu

17:15 3 aprel 2025
Sənət dünyasının sevgi əfsanəsi - Balaca qızları çəkiliş qrupuna kim götürür?

Sənət dünyasının sevgi əfsanəsi - Balaca qızları çəkiliş qrupuna kim götürür?

17:00 3 aprel 2025
Nesrin Cavadzadə də etirazlara qoşuldu

Nesrin Cavadzadə də etirazlara qoşuldu

16:30 3 aprel 2025
Həsən Kür xəstəxanadan evə buraxılıb: yeriyə bilmir, yaddaş pozuntusu var...

Həsən Kür xəstəxanadan evə buraxılıb: yeriyə bilmir, yaddaş pozuntusu var...

16:00 3 aprel 2025
“Zəfər dastanı: Çanaqqaladan Qarabağa” adlı qala-konsert təşkil olunacaq

“Zəfər dastanı: Çanaqqaladan Qarabağa” adlı qala-konsert təşkil olunacaq

15:45 3 aprel 2025
Firəngiz Mütəllimovanın “Varlı qadın”la benefisi

Firəngiz Mütəllimovanın “Varlı qadın”la benefisi

15:00 3 aprel 2025
# # #