İyunun 1-də Azərbaycan Musiqi Mədəniyyəti Dövlət Muzeyinin filialı olan Niyazinin mənzil-muzeyində 1 İyun-Uşaqların Beynəlxalq Müdafiəsi Günü münasibətilə “Gənc musiqiçilər və qiraətçilər muzeydə” adlı tədbir keçirilib.
Kulis.az xəbər verir ki, tədbirdə Niyazi adına 22 nömrəli və 35 nömrəli G.G.Şaroyev adına nömrəli onbirillik uşaq musiqi məktəblərinin şagirdləri, “Günay” Uşaq Teatrının üzvləri və muzey əməkdaşlarının övladları iştirak ediblər.
Tədbirdən əvvəl uşaqlara Maestro Niyazinin həyat və yaradıcılığı haqqında məlumat verilib, sonra intellektual oyun keçirilib.
Azərbaycan Musiqi Mədəniyyəti Dövlət Muzeyinin direktoru, sənətşünaslıq üzrə fəlsəfə doktoru, Əməkdar mədəniyyət işçisi Alla Bayramova çıxış edərək uşaqları bayram münasibətilə təbrik edib, 1 iyun-Uşaqların Beynəlxalq Müdafiəsi Günü haqqında ətraflı danışıb.
Uşaqların ifasında Qərbi Avropa bəstəkarlarının əsərlərindən ibarət rəngarəng musiqi proqramı təqdim edilib.
Tədbir çərçivəsində uşaqlar muzeyin zəngin kolleksiyaları əsasında hazırlanmış “Musiqiçilər uşaqlıqda” videoçarxını izləyiblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
