15 iyul gecəsi Türk Ordusunun bir qrup zabiti tərəfindən çevriliş cəhdi uğursuzluqla nəticələndi. Lakin qiyamçı əsgərlər bundan əvvəlki çevrilişlərdə niyyətlərinə çatmış və Türkiyə tarixində ağrı və acı dolu səhifələr yazmışdılar. Kulis.Az Türkiyə kinematoqrafiya tarixində özünə yer tapmış çevriliş dövründən bəhs edən filmləri təqdim edir.

Hoşçakal Yarın (1998)

“Əlvida, sabah” filmi 1972-ci ildı azadlıq tələb edib edam olunan üç gəncin - Dəniz Gəzmiş, Yusif Aslan və Hüseyn İnandan bəhs edir.

Eylül Fırtınası (2000)

Bir uşağın gözündən 1980 çevrilişi göstərilir.

Beynelmilel (2006)

Kiçik bir Anadolu şəhərində - Adıyamanda 1980 hərbi çevrilişi zamanı baş verən hadisələrdən bəhs edən filmin rejissoru və ssenaristi Sırrı Süreyya Öndərdir. Kiçik insanların bucağından çevriliş son dərəcə dəhşətli görünür. Onlar üçün baş verənlər sadəcə olaraq anlaşılmazdır. Amma bu anlaşılmazlıq onları nəinki xoşbəxt edəcək, əksinə daha çox ağrıdacaq.

Yol (1982)

Türk kinosuna ilk Kann mükafatı qazandıran “Yol” filmi Yılmaz Güneyin imzasını daşıyır. Filmdə hərbi komendatura günlərində də məhbusun həyat hekayəsi realist bir dillə nəql olunmuşdur.

Babam ve Oğlum (2005)

Bir solçunun atası ilə münaqişəsindən bəhs edən bu film Türk kino tarixinin ən dramatik filmlərindən sayılır.

Eve Dönüş (2006)

Çevrilişdən sonra qaçan solçu Şehbuz yerinə səhvən həbs olunan fəhlənin dramı… İşgəncələr, zülmlər…

Və Mehmet Ali Birandın sənədli filmləri

Demirkırat: Menderesin hakimiyyəti və edamı hadisə şahidlərinin və sənədlərin dili ilə 10 seriyaya sığdırılıb.

12 Mart: (İhtilalın pencesindeki demokrasi): On seriyalıq sənədli film 1970-ci ildə baş verən çevrilişdən bəhs edir.

12 Eylül: 12 Sentyabr çevrilişini yaradan səbəblər və çevrilişdən sonrakı həyatı səbədli materialalrla təsvir edən sənədli film 9 seriyadan ibarətdir.

• Pikassonun tablosundakı qadın kimdir?
• Xalq artisti Hacı İsmayılovla görüş keçirildi
• "Anar müəllimdən xahiş edən sonra orda-burda danışır ki, Yazıçılar Birliyindəkilər nə iş görür?" - İlqar Fəhmi ilə müsahibə