“Tağıyev. Neft” filmini 70 mindən çox tamaşaçı izləyib

“Tağıyev. Neft”  filmini 70 mindən çox tamaşaçı izləyib
19 mart 2025
# 18:00

“Tağıyev. Neft” filmini artıq 70 mindən çox tamaşaçı izləyib.

Kulis.az xəbər verir ki, ekran əsəri Heydər Əliyev Fondu, Mədəniyyət Nazirliyi və Kino Agentliyinin dəstəyi ilə Bakı Media Mərkəzi tərəfindən lentə alınıb.

Aprelin əvvəlindən “CineMastercard” premium kinoteatrlar şəbəkəsində dörd hissədən ibarət “Tağıyev” tarixi filminin çoxdan gözlənilən ikinci hissəsinin - “Tağıyev. Çar”ın nümayişi başlayacaq.

Qeyd edək ki, film cəmiyyətin inkişafında, milli dəyərlərin təbliğində mühüm xidmətləri olan, adını ölkə salnaməsinə həkk etmiş böyük xeyriyyəçinin vəfatının 100 illiyinə özəl çəkilib.

Filmin çəkilişləri öz miqyasına görə Azərbaycan kinematoqrafiyası tarixinə düşüb. 76 fərqli məkanda çəkilişləri aparılan ekran əsərinin kütləvi səhnələrində 2500 nəfərə yaxın yaradıcı şəxs iştirak edib. Tarixi səhnələr üçün 300-dən çox dekorasiya hazırlanıb. Tağıyevin yaşadığı dövrü tam əks etdirmək üçün xüsusi geyim emalatxanası yaradılıb, çoxlu sayda libas, aksesuar, zərgərlik nümunələri və xüsusi rekvizitlər hazırlanıb.

Ekran əsərinin baş prodüseri Arzu Əliyeva, prodüseri Orman Əliyev, rejissoru Zaur Qasımlı, ssenari müəllifləri İsmayıl İman, Asif İsgəndərli və Zaur Qasımlı, operatoru Vladimir Artemyev, rəssamı Səbuhi Atababayev, geyim rəssamı Vüsal Rəhim, bəstəkarı Etibar Əsədlidir.

Filmin məzmununa gəlincə, 1888-ci ilin payızında Bakı Zati-aliləri İmperator III Aleksandrın səfərinə hazırlaşır. Milyonçu və Bakı Şəhər Dumasının üzvü Hacı Zeynalabdin Tağıyev cəmiyyətdə nüfuz və status uğrunda mübarizə aparır. Şəhər rəisi Orlovski öz vəzifəsindən istifadə edərək intihar etmiş Təymurbəyovun neft sahəsini ələ keçirmək istəyir. Bu arada Hacının böyük oğlu İsmayıl generalın qızı Nurcahan Arablinskaya ilə tanış olur və onunla evlənmək niyyətindədir.

# 776 dəfə oxunub

Oxşar xəbərlər

Ən çox baxılan filmimiz hansıdır? - Araşdırma

Ən çox baxılan filmimiz hansıdır? - Araşdırma

13:10 5 may 2025
"Kurtlar vadisi"nin aktyoru vəfat etdi

"Kurtlar vadisi"nin aktyoru vəfat etdi

10:13 5 may 2025
Əli bəy Hüseynzadə niyə ağlayırdı? - İlk qadın rejissorumuz

Əli bəy Hüseynzadə niyə ağlayırdı? - İlk qadın rejissorumuz

10:00 5 may 2025
"Ölü Həsən" - Yeni film

"Ölü Həsən" - Yeni film

09:00 5 may 2025
"Coker 2"  ən çox ziyan gətirən film oldu

"Coker 2" ən çox ziyan gətirən film oldu

15:26 3 may 2025
Din xadimi olmaq istəyən cinayətkar - Günün filmi

Din xadimi olmaq istəyən cinayətkar - Günün filmi

14:14 3 may 2025
#
#
# # #