Rejissor Cavid Təvəkkül uzun fasilədən sonra "Spinozanın Tanrısı" filmi ilə kino dünyasına qayıdıb.
Kulis.az xəbər verir ki, psixoloji dram janrında çəkilmiş filmin təqdimat mərasimi fevralın 27-si Nizami Kino Mərkəzində baş tutacaq.
Qeyd edək ki, “Spinozanın Tanrısı” filmi Netmedia-nın əməkdaşlığıyla Pelican Film Prodakşn tərəfindən istehsal olunub. Filmin ssenari müəllifi və prodüseri Rəsul Allahverdiyevdir. Ekran əsərinin quruluşçu operatoru Hüseyn Devrim, operatoru isə Elvin Hacıəliyevdir. İkinci rejissor vəzifəsini Telman Talıb icra edib. Musiqilər Nicat Qafuroğluna aiddir. Filmin quruluşçu rəssamı Vüqar Qurbanov, geyim rəssamı Neyjən, qrim rəssamı isə Aysudur.
Filmdə əsas rolları Türkay Cəfərli, Lalə Süleymanova və Fidan Bayramova ifa ediblər. Digər rollarda isə Xalq artisti Vidadi Həsənov, əməkdar artistlər Elşən Rüstəmov, Hüsniyyə Mürvətova, İqrar Salamov, Sədaqət Nuriyeva, aktyorlar Orxan Abışov, Nəzrin Abdullayeva, Sənan Fərzəliyev, Ayla Əliyeva, Jalə Novruz, Ramil Zeynalov, Niyaz İlyasoğlu və digər istedadlı aktyorlar çıxış ediblər.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
