Kulis.az Sevda Sultanovanın "Müasir kinomuzda şəxsiyyət qıtlığı" adlı yeni yazısını təqdim edir.

İndi yadıma düşdü. Srağagün Kino günündə Orxan Fikrətoğlu yenə dedi ki, onun əsas məqsədi kinoda yeni dalğa yaratmaqdır. Yeni dalğa süni şəkildə yaranmır, dünya kinosu təcrübəsində belə şey yoxdur, olmayıb. Bu, reallığın tələbindən, təbii meydana çıxmalıdır...

Bunu kulislərdə hamı danışır, amma baxıram ki, kimsə publik demir. Kino günündə premyerası olan “Tənha insanın monoloqu” (rej: Emin Əfəndiyev) bədii filmi Orxan müəllim başda olmaqla, daha bir neçə kino adamının (və onların hamısı YARADICI adamlardır) təşəbbüs və məsləhəti ilə kəsilib-doğranıb. Rejissor versiyasında film 52 dəqiqə olub. Amma kino günü hardasa 45 dəqiqəsi göstərilib. Rejissorun filmi (fikri, ideyası) kəsilib-doğranırsa, yeni dalğa necə yaranacaq? Siz Allah, bunu necə təsəvvür edirsiz?

Və kino günündə hörmətli Yusif Şeyxov da çıxış elədi. Təxmini belə fikir dedi ki, Orxan müəllimin danşdıqlarından kinonun gələcəyi ilə bağlı ümidlərim yarandı. Bununla da Yusif müəllim dolayı yolla etiraf etdi ki, o, kino məmuru olanda milli kinomuzun perspektivi üçün əhəmiyyətli nəsə etməyib.

Məmurlar bir tərəfə... Müasir kinomuzda şəxsiyyət qıtlığı var. Ona görə də yeni dalğa-malğa çətin ki, yaransın.

Votsap statusunda yazmışdım, burda da qeyd edim. Asif Rüstəmov kino günündə status yazıb ki, Mədəniyyət Nazirliyi işğaldan azad olsun, kinostudiyada çay içək. Yəni səviyyə çayxana səviyyəsidi. Runun vaxtında Asif Azərbaycanfilmdə işləyib, kinonun məhv olunmasına göz yumub, üstəlik də dövlət büdcəsi hesabına keyfiyyətsiz film çəkib. Heç şübhə eləmirəm ki, Asif bu gün Mədəniyyət Nazirliyi və ya ARKA-yla işləyib istədiyini əldə etsəydi, bunları yazmayacaqdı.

Dostu Runun hesabına kinoya soxulan, kinomuzun büdcəsi hesabına mənasız layihələrdə maaş alan Mələk Bayramlı isə şərh yazıb ki, mən çayı paxlava ilə istəyirəm. Guya öz aləmində ironiya edir. Mələk, sən, ən yaşısı, elə paxlava bişir.

"Sevdalı kino" Telegram kanalı

• Dahi sənətkarın ailə dramı - XX əsrin azərbaycanlı Orfeyi
• "Squid game"ə görə 9 dişini çəkdirdi
• Qardaşımın atası - Orxan Cuvarlının hekayəsi