“Oğul” sənədli filmi Praqada təqdim olundu

“Oğul” sənədli filmi Praqada təqdim olundu
6 dekabr 2023
# 18:00

Praqa şəhərinin mərkəzində yerləşən Slavyan Evinin “Cinema City” kinoteatrında Birinci Qarabağ müharibəsi dövründə Ağdamın Xramort kəndindəki kilsədə ermənilərə qarşı təkbaşına vuruşan Natiq Qasımovun döyüş yolundan bəhs edən “Oğul” sənədli filmi nümayiş etdirilib.

Kulis.az APA-ya istinadən xəbər verir ki, filmin nümayişi Azərbaycan Diasporuna Dəstək Fondunun dəstəyi, Çexiyada fəaliyyət göstərən “Natəvan” cəmiyyətinin və “Elson Grand” təşkilatının, Şərqi Avropa Azərbaycanlıları Koordinasiya Şurasının Çexiya üzrə koordinatorları Leyla Begim Cəfərova və Fərid Əmirəliyevin təşkilatçılığı ilə baş tutub.

Filmin təqdimatında Çex Respublikasının dövlət qurumlarının, Azərbaycanın, Böyük Britaniyanın Çexiyadakı səfirliyinin əməkdaşları, yerli ictimaiyyətin, azərbaycan, türk, macar, qazax, türkmən, ukrayna, rus, italyan icmalarının nümayəndələri iştirak ediblər.

Azərbaycanlı igidin qəhrəmanlığı və faciəli taleyi tamaşaçılara duyğulu anlar yaşadıb.

Xatırladaq ki, “Oğul” sənədli filmi Böyük Britaniyanın “Broken Pot Media” şirkətinin istehsalıdır. Film Heydər Əliyev Fondunun və Mədəniyyət Nazirliyinin dəstəyi, “LİBRAFF” Kitab Mağazalar Şəbəkəsinin və TEAS Press Nəşriyyat Evinin təşkilati dəstəyi ilə ərsəyə gəlib. Azərbaycan və ingilis dillərində hazırlanmış film ABŞ festivallarında nümayiş etdirilib.

Filmdə erməni əsirliyində olan Natiq Qasımovun ermənilərin səhra komandiri Vitali Balasanyanın iştirakı ilə dindirilməsinə dair faktlar yer alır. Şahidlərin məlumatına görə, erməni hərbçi Vitali Balasanyan əsirlikdə olan Natiq Qasımovu işgəncə ilə qətlə yetirib. Riyakar erməni xislətini bir daha aşkara çıxaran filmdə həm də müharibələrin insanların taleyində oynadığı dəhşətli roldan, ailələrin öz əzizlərinin itkisindən və naməlum taleyindən çəkdikləri iztirablardan bəhs edilib.

# 1433 dəfə oxunub

Oxşar xəbərlər

“Atropatena” filminin çəkilişinə hazırlıq gedir

“Atropatena” filminin çəkilişinə hazırlıq gedir

15:15 17 sentyabr 2025
Küçə ticarətindən kinoya gələn böyük aktyor - Yeşilçam klassiki Tarık Akan kim idi?

Küçə ticarətindən kinoya gələn böyük aktyor - Yeşilçam klassiki Tarık Akan kim idi?

18:24 16 sentyabr 2025
Məşhur Hollivud aktyoru vəfat etdi

Məşhur Hollivud aktyoru vəfat etdi

16:51 16 sentyabr 2025
“Yaşıl çəmən”  filmi Linz Akademiyasının inkişaf proqramında

“Yaşıl çəmən” filmi Linz Akademiyasının inkişaf proqramında

13:46 16 sentyabr 2025
Gündəlik iş, eyni vərdişlər - Ehtiyaclar bizi necə dəyişdirir?

Gündəlik iş, eyni vərdişlər - Ehtiyaclar bizi necə dəyişdirir?

13:22 16 sentyabr 2025
"Şah ölüm"  nümayiş olundu

"Şah ölüm" nümayiş olundu

11:00 16 sentyabr 2025
Ana səhifə Yazarlar Bütün xəbərlər