Kulis.az “Sözün güneyi” layihəsindən təbrizli şair Yalçın Türkayın şeirlərini təqdim edir.

Popkorn yeyən ənqa quşları

Popkorn kimi yemişlər buludları
Göyləri silməmişdən
Göylərdən silinməmişdən
Və...
Göylərdən silinilməmişdən
Ənqa quşları

Muzikal yaşam

Piano klaviyələri üstündə -
Yerimək kimi bir şeydir həyat!
Hər addım atanda
Pərdə dəyişir -
Hava dönür
Və...
Həyat yeni bir ritmə düşür.

***

Sezmək zorunda
olmamağımız üzrə
Düşünməyin -
“Başağrısına dəyməzdirliyini”
Başa düşüb-düşərkən
Gündən həyatın
Ənənəvi gedişatına qoşulduq!
İşsiz ikən düşünmək,
“Elə betər bir iş deyildiri”
İliyimizlə mənimsədiyimiz üzdən
Prosesə keçirə biləcəyimiz açıdan
Fəlsəfəni fantastikdir düşünüb;
Səhər-səhər
İşə getməyə yola düşdük.

Uğur qazanacağımıza inanaraq
Alışaraq-yanaraq
Bir də -
Yalnızlığımız ucbatından
Yanmağımızı anaraq
Səhər-səhər yola düşdük...

Səhər-səhər yürüşdük
...işsiz ikən düşünmək
“Elə betər bir işdə deyildiri”
Düşünərək yürüşdük.

Tənimizin ağrımasını
Başımızın ağrımamasına
Tərcih bilərəkdən
Bilərəkdən
Əkdən
Dən.

Stokastik

Bəlkə də
Çox sadəcə bir -qız uşağı-
Qulaqlarına headphone taxaraq
Səksəkəylə-
Geyib oynayır da indimizi!
Yaxud bəlkə də indi
Hansısa bir sabahda
Daşüstə cızılacaq
Şəkil fikriyik kimi
Prosesə keçiririk -
Varılmaqçün
Cızılmaqçün
Xeyli sonralar üçün
Neandertal birisinin
Gözlərində -
Barmaqlarında...

***

Bir neçə gün
əynimizə geyinib də bu adamı
Yaşamağı həbs çəkirik
Saatları saya-saya
Biz bu adam
Deyilik ki,
Göyün üzü yerimizdir.
Adımızı oxusalar
Soyunaraq bu adamı
Azadlığa çatacağıq,
Azadlığı dadacağıq...

• Rusiyanın mədəniyyət naziri Bakıdakı Rus evində olub
• Qızı öldü, ikinci dəfə evləndi, yenə övladı olmadı... - "Bu, İslam Rzayevin taleyi idi"
• "Onun evindən bir qılınc, iki tapança çıxmışdı..." - Hüseyn Cavidi, Mikayıl Müşfiqi kim satmışdı?