Sabah mərhum yazıçı-publisist Zakir Sadatlının “Lent.az-ın kitabxanası” silsiləsindən nəşr edilmiş “Əfqanıstan uçurumu” kitabının təqdimat mərasimi keçiriləcək.

Lent.az-ın verdiyi məlumata görə, “APA-Holdinq”in ofisində keçiriləcək təqdimat mərasiminə Zakir Sadatlının yaxınları və həmkarları da dəvət olunub.

Qeyd edək ki, bundan öncə yanvarın 28-də müəllifin iştirakı ilə “Əfqanıstan uçurumu” kitabının təqdimatının keçirilməsi planlaşdırılsa da, Zakir Sadatlının övladının toy mərasimi və səhhətinin mürəkkəb olması ilə bağlı onun öz xahişi ilə bu təqdimat ertələnib.

• Seksizm, gənclik, trend olmaq ehtirası - Maşınların doğduğu insanlar
• “Toros canavarı” Trabzonda nümayiş olunacaq
• Fransa kinosu günləri keçiriləcək

Lent.az rəhbərliyi təqdimat mərasimini toydan dərhal sonra təşkil etmək istəsə də, Zakir Sadatlı təqdimat mərasimini fevralın 15-də keçirməyi xahiş edib. Çünki fevralın 15-i sovet qoşunlarının Əfqanıstandan çıxmasının ildönümüdür. Kitab da Əfqanıstan müharibəsi ilə bağlı olduğu üçün Lent.az rəhbərliyi bununla razılaşıb. Lakin Zakir Sadatlı fevralın 5-də vəfat edib. Lent.az rəhbərliyi isə yazıçı-publisistə verilən vədi yerinə yetirməyə qərar verib...

• Seksizm, gənclik, trend olmaq ehtirası - Maşınların doğduğu insanlar
• “Toros canavarı” Trabzonda nümayiş olunacaq
• Fransa kinosu günləri keçiriləcək