Bu günlərdə çapdan çıxmış “İşığa doğru” kitabı tanınmış telejurnalist, Azərbaycan jurnalistika elminin və audiovizual mədəniyyətimizin inkişafına böyük töhfələr vermiş nəzəriyyəçi-alim, filologiya elmləri doktoru, professor Qulu Məhərrəmlinin həyat və yaradıcılığına həsr edilib.

Aktual.az-ın məlumatına görə, kitabda görkəmli elm və mədəniyyət xadimləri, sənət adamları, ölkə ictimaiyyətinin bir çox tanınmış nümayəndələrinin yazılarına yer verilib.

Professor Şirməmməd Hüseynov kitaba giriş sözü yazıb. Azərbaycanın böyük söz ustaları – Bəxtiyar Vahabzadə, Sabir Rüstəmxanlı, Ramiz Rövşən, Musa Yaqub və Məmməd Aslanın kitabda yer almış yazılarında Q. Məhərrəmlinin şəxsiyyəti və yaradıcılığı müxtəlif prizmalardan təhlil olunub. Millət vəkilləri Elmira Axundova, Nizami Cəfərov, görkəmli elm və mədəniyyət adamları – Rafiq Əliyev, Nizaməddin Şəmsizadə, Fəxrəddin Veysəlli, Ramiz Abutalıbov, Əjdər Ağayev və başqaları öz məqalələrində professor Q. Məhərrəmlinin çoxşaxəli yaradıcılığı barədə qənandan söz açıblar. Kitabda Azərbaycan mediasının tanınmış simaları, həmçinin kino və televiziya xadimləri – Vasif Babayev, Arif Əliyev, Elçin Şıxlı, Natiq Məmmədli, Rövşən Almuradlı, Oqtay Babazadə, Qüdrət Piriyev və başqaları da professor Qulu Məhərrəmlinin Azərbaycan jurnalistikası və audiovizual mədəniyyətimizin inkişafı naminə göstərdiyi xidmətlərdən söhbət açıblar.

Kitab “Qanun” nəşriyyatında kütləvi tirajla nəşr olunub.

• İnsan niyə qaranlığı seçir? – Mir Çingizin hekayəsində gizlənən həqiqət
• Azərbaycan Ssenaristlər Gildiyasının təqdimatı oldu
• Ana olmaq həsrəti və rənglərin etirafı - Ən məşhur avtoportretlərin arxasındakı faciə